Günün  xəbəri:   SON DƏQİQƏ! Dollarla bağlı vacib qərar verildi

Krım Tatar Milli Məclisinin (KTMM) prezidenti  Refat  Çubarov  Buxarest  hava  limanında təxminən üç yarım saat saxlanılıb.

Yenicag.az  xəbər verir ki, bu barədə  Çubarov  “Facebook” səhifəsində  yazıb. O, hava limanında  Rumıniya  Sərhəd Xidmətinin əməkdaşları tərəfindən tutulduğunu qeyd edib:

“Rusiya xüsusi xidmət orqanlarının zəhərli çəngəllərinin məni Rumıniyada tutmağa çalışacağını gözləmirdim. Bu gün Buxarest hava limanında pasport nəzarətindən keçəndə, Rumıniya Sərhəd Xidməti əməkdaşları pasportumu əlimdən aldılar və heç bir izahat vermədən orada 3,5 saat saxladılar”.

KTMM prezidenti Çubarov Ukraynanın Buxarestdəki səfiri və baş konsulunun müdaxiləsindən sonra sərbəst buraxıldığını bildirib:

“Ukraynanın Buxarestdəki səfirliyi, saxlanma səbəblərimə dair dəqiq cavab üçün müvafiq qurumlara müraciət edəcək”.

Qeyd edək ki, Çubarov Buxarestdə Rumıniya Xarici İşlər Nazirliyinin Dövlət katibi və Birləşmiş Ştatların Alman Marşal Fondunun mütəxəssisləri ilə görüşəcək və Rusiyanın işğalı altında olan Krımın vəziyyətini, yarımadanın və Qara dənizin hərbiləşdirilməsini müzakirə edəcək.