Rusiya tərəfindən beynəlxalq axtarışa verilən Krasnodar vilayətinin sabiq hakimi Yelena Xaxalyeva Bakıda saxlanılıb.

Bu barədə TASS-a hüquq-mühafizə orqanları məlumat verib.

“Krasnodarın sabiq hakimi Yelena Xaxalyeva Bakı hava limanında saxlanılıb. Bu barədə axtarışın təşəbbüskarı kimi Rusiya Federasiyasının hüquq-mühafizə orqanlarına məlumat verilib”, - agentliyin mənbəsi bildirib.

Məlumata görə, o, Bakıdan Dubaya səfər etmək istəyərkən saxlanılıb.

“Kommersant” nəşrinin məlumatında isə Rusiyanın onun ekstradisiyası ilə bağlı Azərbaycana müraciət ünvanlayacağı qeyd olunub.

Xaxalyeva dələduzluq və xidməti vəzifəsindən sui-istifadə etməkdə təqsirləndirilir. Onun 2016-2019-cu illərdə 127 iş günü işdə olmadığı və qanunsuz olaraq 1 milyon 195 min rubl maaş aldığı bildirilir.

2020-ci ilin yayında Xaxaleva çoxsaylı iştirak etmədiyi üçün Krasnodar vilayət məhkəməsinin hakimi statusundan məhrum edilib. Bundan əlavə, mediada sabiq hakimin diplomunun saxta olduğunu bildirən bir sıra xəbərlər tirajlanıb.