Məşhur Türk aktyoru öldü

Məşhur  türkiyəli  kinoaktyor Tolqa Savacı 60 yaşında ürək tutması nəticəsində dünyasını dəyişib.

 

Oxu24.com  xəbər  verir  ki,  aktyor Savacının ölüm xəbərini səs sənətçisi və yazar Onur Akay açıqlayıb.

 

Akay sosial media hesabından verdiyi açıqlamada, "Təəssüf ki, Tolga Savacı çox gənc yaşda itirdik. Onun infarktdan öldüyünü öyrəndim. Çox ağrılıdır, çox üzücüdür, " ,deyə  qeyd  edib.

Tolqa Savacı 6 may 1963-cü ildə İstanbulda anadan olub. Onun böyük bacısı keçmiş model Sibel Savacıdır. Onun Zeynep Savacı adlı bir bacısı da var. Fransız kollecini bitirib. 

Aktyorluğa 1985-ci ildə Banu Alkanla birlikdə "Arzu" filmində çəkilib, daha sonra Hülya Avşarla "Sevimli qadın" və "Sekreter" filmlərində rol alıb.

Tolga Savacı ilk həyat yoldaşı Aylin Livaneli ilə birlikdə 1992-1993-cü illərdə Show TV-də "Coke N Roll" adlı musiqi proqramı təqdim edib. İkinci həyat yoldaşı Özlem İbrahimoğlu ilə evli olduğu müddətdə iki il Dalyanda "Kano" adlı butik otel işlədib. Savacı üçüncü evliliyini yazıçı Nermin Bezmenlə olub. Həyat yoldaşı ilə birlikdə ABŞ-ın Nyu-Cersi ştatında məskunlaşan Savacı hazırda klassik avtomobillərin təmiri ilə məşğuldur.

 

 

 

Miri