![](https://oxu24.com/uploads/posts/2018-11/medium/1542994820_46507556_10210357831462455_8271051364969218048_n.jpg)
Bunu Teleqraf.com-a Ermənistanın media qurumları və hakim siyasi dairələrində anti-Rusiya kampaniyası haqda danışan politoloq İlqar Vəlizadə deyib.
Ekspert hesab edir ki, Ermənistan ictimaiyyəti və hakim siyasi dairələri hələ də real vəziyyəti düzgün qiymətləndirə bilmir:
“Buna görə də, Rusiya əleyhinə müxtəlif bəyanatlarla çıxış edirlər. Ermənistan hakimiyyəti tərəfindən atılan addımlar Rusiyanın hakim siyasi dairələrini qıcıqlandırır. Ermənistanın indiki hakimiyyəti isə anti-Rusiya mövqeyində dayanaraq, seçkiqabağı dönəmdə öz daxili reytinqini yüksəltməyə çalışır.
Amma bu, müvəqqəti haldır. Çünki seçkilər başa çatacaq və Paşinyan hakimiyyətdə qalacaq. Bundan sonra isə işləmək lazım gələcək. İstər daxili, istərsə də xarici siyasətdə Ermənistanın əsas tərəfdaşı Rusiyadır. Bu ölkə ilə münasibətləri davam etdirmək Ermənistana hava-su kimi lazımdır”.
İlqar Vəlizadənin sözlərinə görə, Rusiya hakimiyyəti Ermənistandakı seçkilərin və eyforiyanın başa çatmasını gözləyir: “Bundan sonra Rusiya imkan tapacaq ki, Ermənistan hakimiyyətinə öz yerini göstərsin. Çox güman ki, Rusiya bunu sərt addımlar vasitəsilə həyata keçirəcək”. Oxu24.com
ŞƏRHLƏR