İran niyə qaynadı?   —   Deputatdan İLGİNC AÇIQLAMALAR

Son günlər İranda baş verən ictimai-siyasi proseslər region ölkələrində də diqqətlə izlənilir. Xüsusilə bu hadisələrin səbəbləri  ətrafında müxtəlif müzakirələr aparılır. 

İranda nə baş verdi ki,insanlar küçələrə axışdı?

Mövzu ilə bağlı  Oxu24.com-un müxbirinin sualını Milli Məclisin deputatı, Azərbaycan–İran parlamentlərarası əlaqələr üzrə işçi qrupunun üzvü Hikmət Babaoğlu cavablandırıb.

Həmçinin oxuyun

Kredit borcu olanlara VACİB XƏBƏR: Banklar bunu edə bilər...

İran hadisələri region iqtisadiyyatına necə təsir edə bilər? – Natiq Cəfərli AÇIQLADI

Polis əməliyyat keçirib: Orxan Müslümov HƏBS OLUNDU - ANBAAN VİDEO

Yas mərasimləri ilə bağlı ŞOK QƏRAR – Bu, adətləri tam dəyişəcək 

Deputatın sözlərinə görə,İranda baş verən proseslər, hər şeydən əvvəl, ölkə iqtisadiyyatında mövcud olan dərin böhranla bağlıdır.

"Lakin baş verənləri yalnız iqtisadi amillərlə izah etmək də düzgün olmaz. Azərbaycan hər zaman İranda sabitliyin, rifahın və təhlükəsizliyin tərəfdarı olduğu üçün hadisələrin obyektiv səbəblərini açıq şəkildə göstərmək vacibdir.

İran uzun illərdir ki, dövlət təzyiqi altında yaşayan vətəndaşlar üzərində bu təzyiqləri daha da artırır. Ölkənin xarici siyasəti İrana qarşı beynəlxalq sanksiyaların tətbiq olunmasına səbəb olub ki, bu da birbaşa vətəndaşların gündəlik həyatında, ailə büdcəsində ciddi şəkildə hiss olunur.

Bununla yanaşı, İran vətəndaşlardan toplanan vergilər hesabına ölkə hüdudlarından kənarda müxtəlif məqsədlər üçün külli miqdarda vəsait xərcləyib. Bu isə nəticə etibarilə dövlət büdcəsinə və sosial sahəyə mənfi təsir göstərir. İran illərdir məqsədyönlü şəkildə öz ideoloji xəttini, irançılıq ideologiyasını ixrac edir və bunun üçün böyük maliyyə resursları sərf olunur. Bütün bunlar isə vətəndaşların sosial vəziyyətini daha da ağırlaşdırır.

Təbii ki, sadalanan bütün bu faktorlar bir-birinin üzərinə gələrək hazırkı böhran vəziyyətini formalaşdırır. Mənə elə gəlir ki, mövcud siyasi komanda və İran prezidenti artıq bunu açıq şəkildə etiraf edir ki, ölkədə ciddi problemlər var. Bu, əslində, doğru yanaşmadır. Çünki problemin mövcudluğunu etiraf etmədən onun həlli yollarını tapmaq mümkün deyil.

Lakin problemlər təkcə mənim sadaladığım məsələlərlə məhdudlaşmır. İran artıq dərin və sistemli islahatlara getməli, bu problemlərin öhdəsindən gəlməlidir"-deyə  millət vəkili qeyd edib.

Hazırladı: Turan Etibaroğlu