Ramiz Mehdiyevin məmurlara qoyduğu qadağa  —   Həmin məktubda nə yazılıbmış?  

Prezident Administrasiyasının sabiq rəhbəri, Azərbaycan Milli Elmlər Akademiyasının keçmiş prezidenti, akademik Ramiz Mehdiyevin cinayət məsuliyyətinə cəlb olunması ilə bağlı müzakirələrin getdiyi bir vaxtda onun haqqında yeni faktlar üzə çıxır.

Ramiz Mehdiyevin rəhbər olduğu vaxtda gördüyü bu əməllərdən ziyan çəkənlərin siyahısında dövlət qulluğunda çalışan şəxslər də az deyilmiş.Ramiz Mehdiyev Prezident Administrasiyasının rəhbəri olduğu zaman yazdığı bu məktubla  Azərbaycan elminə daha bir ağır zərbə endirib.

Söhbət hansı məktubdan gedir?

Bu barədə  Oxu24.com-a danışan etibarlı mənbə  bildirib ki,Ramiz Mehdiyev dövlət qulluğunda çalışan şəxslərin elmi işlə məşğul olmalarını,hər hansı bir mövzuda elmi iş müdafiə etməyi qadağan edibmiş.Bununla bağlı R.Mehdiyevin imzası ilə Ali Attestasiya Komissiyasına  məktub da daxil olub.

Mənbə onu da qeyd edir ki,bu qadağadan sonra  yüzlərlə  vəzifə tutan şəxs elmi işlə məşğul ola bilməmiş,onların elmi işi yarımçıq qalmış və müdafiə etmələri mümkün olmamışdır.

Bəs,Ramiz Mehdiyev bu qərarı niyə verib?

Mövzu ilə bağlı əməkdaşımıza danışan məlumatlı mənbə bildirib ki, Ramiz Mehdiyevin general-mayor oğlu (Red- Teymur Mehdiyev  fövqəladə hallar nazirinin müavinidir) elmi dərəcə aldıqdan sonra  bu qadağa gündəmə gəlib.Onu da qeyd edək ki, R.Mehdiyevin oğlu T.Mehdiyev hüquq elmləri üzrə fəlsələ doktorudur.

Sual olunur: Əgər,belə bir qadağa varsa,"boz kardinal"ın oğlu necə müdafiə edib?...Onu da qeyd edək ki,Mehdiyevlər ailəsində  3 professor və bir akademik var.

Həmçinin oxuyun

Sabah bu yerlərə lopa-lopa qar yağacaq, 16 dərəcə şaxta olacaq- hava PROQNOZU 

Alimentə görə nə qədər həbs düşür?

Sevinc Osmanqızı haqqında QƏRAR: Həbs olundu

 Ermənistan “qırmızı xətti” İranın başına "vurdu"    —    Simonyanın "qardaşlığa" qoyduğu nöqtənin DETALLARI 

Məsələ ilə bağlı elm adamları da münasibət bildirib.Belə bir qadağanın olması dolayısı yolla rəsmi təsdiqini tapıb.

AMEA-nın Nəsimi adına Dilçilik İnistutunun direktoru,Müdafiə Şurasının sədri professor Nadir Məmmədli  Oxu24.com saytının  əməkdaşına  bildirib ki,barəsində söhbət gedən məsələdən xəbərdardır.

Amma,Ali Attestasiya Komissiyasına Ramiz Mehdiyev tərəfindən yazılmış məktub barədə eşitsə də,buna dair onun əlində heç bir yazılı sənəd yoxdur.

Məhz Mehdiyevin bu məktubu yüzlərlə istedadlı insanın elmdən uzaq düşməsinə səbəb olub.

Hesab edirik ki,Azərbaycan elminin düşməni Ramiz Mehdiyev əgər,həqiqətən də rəsmi və ya qeyri-rəsmi belə göstəriş veribsə,o dərhal ləğv edilməlidir və onun özü kimi arxivə göndərilməlidir.Onun ilk növbədə özünün və ailə üzvlərinin hansı yollarla elmin zirvəsinə yüksəlmələrini Ali Attestasiya Komissiyası apellyasiya  qaydasında araşdırılmalıdır.

Miri Məcidli