Pilotumuzu ruslar ürəyindən vurubmuş?  —   Politoloqdan sensassion açıqlama 

Rəşad Atakişiyevin övladları dərsə gedirlər, ingilis dilində təhsil alırlar, yaxşı da oxuyurlar. Dövlət təminatı yaxşıdır.

Oxu24.com  xəbər verir ki, bu sözləri Bakıvaxtı.az-a keçmiş dövlət müşaviri, politoloq Qabil Hüseynli kürəkəni, şəhid pilot Rəşad Atakişiyevin ailəsinə dövlətin qayğısından danışarkən deyib.

Onun sözlərinə görə, bu məsələdə dövlət, məxsusi olaraq, ölkəmizin Birinci vitse-prezidenti Mehriban Əliyeva ailəyə lazımi dəstək və qayğını göstərir.

Q.Hüseynli onu da əlavə edib ki, şəhidin təyyarəsinin qalıqları tapılsa da, “qara qutu”nun oxunub, ictimaiyyətə məlumat verilməsi gerçəkləşmədi:

“Söz verdilər, amma “qara qutu”nu açmadılar. Amma oradan bir nəfər dedi ki, Rəşadgil gecə saatlarında döyüş şəraitinə yaxınlaşdırılmış təlim keçiblər. Onlardan da 100 kilometr uzaqda dənizdə ruslar təlim keçirmişlər. Ruslar həm də sovet dönəmindən qalma “Lazer” silahının ilk sınağını həyata keçirirlərmiş. Onlar Rəşadın təyyarəsini tanıyırlarmış, çünki Rəşad Bakıya hücum edən təyyarəni vurub salırmış. Ona görə də Rəşada atəş açıblar və onun ürəyindən vurublar. Təyyarə idarəetməni itirib”.

Müsahibin dediyinə görə, “qara qutu”nu oxuyanlardan biri bildirib ki, “qara qutu”dan yalnız Rəşadın zarımasını eşidib:

Həmçinin oxuyun

Avtobus nasaz avtomobilin sürücüsünü vurdu: Bakıda dəhşətli qəzanın ANBAAN VİDEOSU  

Azərbaycanlıların məşhur bazarına hücum xəbərdarlığı 

Xəstəxanada intim görüntüləri yayılan şöbə müdiri ərizə yazdı — ŞOK detallar üzə çıxdı 

Sabahın havası ilə bağlı VACİB AÇIQLAMA 

“Rəşad yaralı halda təyyarənin idarəedilməsini bərpa etmək istəyib, amma bunu bacarmayıb, çünki ürəyindən vurublarmış”.

Məlumat üçün bildirək ki, 2019-cu il iyulun 24-ü saat 22.00 radələrində plana uyğun olaraq gecə vaxtı təlim-məşq uçuşları keçirən Azərbaycan Hərbi Hava Qüvvələrinə məxsus MiQ-29 təyyarəsi ilə qəflətən rabitə əlaqəsi kəsilib və aviasiya vasitəsi radarlardan itib. Təyyarə Xəzər dənizinə düşüb. Qəza nəticəsində təyyarənin pilotu, polkovnik-leytenant Rəşad Atakişiyev itkin düşüb. Təyyarənin axtarış ərazisinin təxmini sahəsi 600 kvadrat kilometr, dərinliyi 40 metrə qədər olub. Təyyarə və pilotun axtarışları üçün Türkiyə və Rusiyadan mütəxəssis və avadanlıqlar cəlb olunub.

Azərbaycan Müdafiə Nazirliyinin avqustun 19-da verdiyi məlumata görə, təyyarənin “qara qutu”su tapılıb. Avqustun 20-də isə pilotun nəşi tapılıb. Ertəsi gün Rəşad Atakişiyevin nəşi II Fəxri xiyabanda dəfn edilib. 7 may 2021-ci ildə hərbi pilot polkovnik-leytenant Rəşad Atakişiyevə şəhid statusu verilib.

Rəşad Atakişiyev ailəli olub. Vətənə yadigar iki övladı qalıb.

Onu da qeyd edək ki, mərhum Rəşad Atakişyev keçmiş dövlət müşaviri, politoloq Qabil Hüseynlinin kürəkənidir.