İlham Əliyevin Vyetnamın Baş naziri ilə görüşü olub
20 Noyabr 2026, 09:14
Qaynar xətt:
(+99450) 247 90 86
SİYASƏT
949
31.01.2025, 14:53
Yanvarın 31-də Baş nazir Əli Əsədov Almatıya işgüzar səfəri çərçivəsində “Digital Almaty 2025” beynəlxalq rəqəmsal forumunda iştirak edib.
Oxu24.com xəbər verir ki, tədbirdə çıxış edən Ə.Əsədov rəqəmsal inkişaf və innovasiya məsələlərinin müzakirəsi, rəqəmsal transformasiya çağırışlarına birgə cavab axtarışı üçün səmərəli platforma təklif edən forumun əhəmiyyətini qeyd edib.
Bildirilib ki, Azərbaycan dövlət strategiyasının ən mühüm elementi kimi rəqəmsal inkişafa xüsusi əhəmiyyət verir.
Vurğulanıb ki, bu il yanvarın 16-da Azərbaycanda bu sahədə görüləcək işlərin strateji prioritetlərini müəyyən edən, ölkənin rəqəmsal transformasiyasının əsas istiqamətinə çevrilən “Rəqəmsal İnkişaf Konsepsiyası” təsdiqlənib.
Ə.Əsədov deyib ki, rəqəmsal inkişaf strategiyasının əsas sahələrindən biri süni intellektdir: “Hazırda biz Azərbaycanın Süni İntellekt Strategiyasını hazırlayırıq. Süni intellekt texnologiyalarının tətbiqinin xidmətlərin səmərəliliyini və keyfiyyətini əhəmiyyətli dərəcədə artıra biləcəyi prioritet sektorların müəyyənləşdirilməsinə xüsusi əhəmiyyət veririk. Bunlar, ilk növbədə, səhiyyə, nəqliyyat və təhsildir”.
Forum iştirakçılarının diqqətinə çatdırılıb ki, Azərbaycanda müasir, çevik qanunvericiliyin hazırlanmasına və tətbiqinə xüsusi diqqət yetirilir:
“Xüsusilə də bir sıra sənədlərin rəqəmsal formatda istifadəsi üçün hüquqi baza yaradılıb. Bu, vətəndaşlarla dövlət qurumları arasında qarşılıqlı fəaliyyəti sadələşdirir, rahat və əlçatan rəqəmsal ekosistemin yaradılmasına töhfə verir”, - deyə Baş nazir əlavə edib.
Rəqəmsal transformasiya məqsədlərinə nail olmaq üçün cəmiyyətin bütün təbəqələrinin müasir rəqəmsal xidmətlərə çıxışını təmin edəcək etibarlı infrastrukturun yaradılmasının zəruriliyini vurğulayan Ə.Əsədov yüksəksürətli internetə çıxışı bu infrastrukturun əsas elementlərdən biri kimi dəyərləndirib.
Baş nazirin sözlərinə görə, internet infrastrukturunun inkişafına yönəlmiş mühüm təşəbbüslər arasında “Onlayn Azərbaycan” layihəsini xüsusi qeyd etmək lazımdır. Layihə çərçivəsində bütün yaşayış və kommersiya obyektlərinin 99 faizindən çoxu yüksəksürətli genişzolaqlı internetə qoşulub”.
Qeyd olunub ki, dövlət idarəçiliyinin rəqəmsallaşdırılması istiqamətində atılan ən mühüm addımlardan biri “rəqəmsal hökumət” platformasının yaradılması olub. Dövlət qurumları arasında məlumat mübadiləsi prosesini tamamilə rəqəmsallaşdıran “Rəqəmsal körpü” milli məlumat mübadiləsi sistemi də tətbiq edilib. Dövlət idarəçiliyinin səmərəliliyini artırmaq üçün “Hökumət buludu” layihəsinə start verilib.
“Bütün bunlar “elektron hökumət”in inkişafı və rəqəmsal transformasiyanın sürətləndirilməsi üçün zəruri olan davamlı, müasir və təhlükəsiz rəqəmsal infrastrukturun yaradılması istiqamətində həyata keçirilən layihələrin, sadəcə, kiçik bir hissəsidir”, - deyə Baş nazir əlavə edib.
Rəqəmsal transformasiyanın təkcə texnoloji proses deyil, həm də beynəlxalq əməkdaşlığı gücləndirmək üçün bir fürsət olduğunu bildirən Ə.Əsədov Azərbaycanın davamlı rəqəmsal gələcəyin yaradılması istiqamətində birgə fəaliyyəti davam etdirməyə hazır olduğunu ifadə edib.




09:31 / 20 Noyabr 2026
19
09:26 / 20 Noyabr 2026
33
09:14 / 20 Noyabr 2026
49
09:01 / 20 Noyabr 2026
21
23:55 / 19 Noyabr 2026
146
23:26 / 19 Noyabr 2026
186
23:22 / 19 Noyabr 2026
194
23:15 / 19 Noyabr 2026
189
23:15 / 19 Noyabr 2026
182
23:06 / 19 Noyabr 2026
434
23:05 / 19 Noyabr 2026
201
22:59 / 19 Noyabr 2026
179
22:47 / 19 Noyabr 2026
207
22:43 / 19 Noyabr 2026
797
22:35 / 19 Noyabr 2026
184
22:31 / 19 Noyabr 2026
165
22:14 / 19 Noyabr 2026
170
22:10 / 19 Noyabr 2026
184
22:03 / 19 Noyabr 2026
172
22:01 / 19 Noyabr 2026
173
21:51 / 19 Noyabr 2026
169
21:48 / 19 Noyabr 2026
367
21:45 / 19 Noyabr 2026
954
© 2026 Oxu24.com Müəllif hüquqları qorunur.