Almaniya kansleri Olaf Şolts Berlində Ukrayna prezidenti Vladimir Zelenski ilə görüşündə Almaniya, Belçika, Danimarka və Norveçin ilin sonuna qədər Ukraynaya 1,4 milyard avro hərbi yardım edəcəklərini açıqlayıb.

OXU24.COM  "Bloomberg"ə istinadən xəbər verir ki, bu bəyanat Vladimir Putinin Şoltsla Ukraynadakı vəziyyətin nizamlanması üçün vasitəçilik məsələsini müzakirə etməkdən imtina etməsi xəbəri fonunda verilib.

Kansler məlumat verib ki, vəsaitin "İris-T" və "Skynex" hava hücumundan müdafiə sistemləri, "Gepard" tankları, haubitsalar, hava hücumundan müdafiə sistemləri, hücum pilotsuz təyyarələri, radar avadanlıqları və artilleriya mərmiləri üçün ayrılacaq.

“Bu dəstək iki şeyi deyir. Ukrayna bizə arxalana bilər. İkincisi, bu, Putinə açıq siqnaldır ki, gecikdirmək mümkün olmayacaq. Biz Ukraynanı dəstəkləməyi dayandırmayacağıq”, – o deyib.

Şolts həmçinin təsdiqləyib ki, G7 ölkələri Ukraynaya 50 milyard dollar kredit vermək niyyətindədir və bu, Rusiya Mərkəzi Bankının dondurulmuş aktivlərindən əldə edilən mənfəət hesabına kompensasiya olunacaq.