Qaynar xətt:

(+99450) 247 90 86

Adnan Əhmədzadənin marketində qiymət fırıldağı: İnsanlar necə aldadılır?   —   FOTOFAKT

news/2026_01_05/adnan_mark_1767607543.jpg

ŞİKAYƏTLƏR

2719

05.01.2026, 13:59

Bakıda fəaliyyət göstərən iri supermarket şəbəkələrindən birində müştəri aldadılıb.

Oxu24.com xəbər verir ki, bu barədə sosial şəbəkələrdə şikayət paylaşılıb.

Narazı vətəndaş bildirib ki, "Rahat" supermarketlər şəbəkəsinin Neftçilər filialında alış-veriş edərkən qiymət fərqi ilə üzləşib.

Hadisə necə baş verib?

Şikayətçinin sözlərinə görə, aldığı şokoladın üzərindəki qiymət etiketi ilə kassa çeki bir-birini tutmayıb. Məhsulun üzərindəki qiymət 8.90 AZN, kassada vurulan qiymət isə 11.50 AZN olub. 

Müştəri qeyd edib ki, tələsdiyi üçün ödənişi edib marketdən çıxsa da, sonradan çekə baxdıqda aldadıldığını başa düşüb. Təqdim olunan fotolardan da aydın görünür ki, şokoladın üzərindəki etiketdə qiymət daha ucuz göstərilib, lakin sistemdə qiymət artırılıb.

Qanun nə deyir?

Xatırladaq ki, mövcud qanunvericiliyə əsasən, piştaxtadakı qiymətlə kassadakı qiymət fərqli olduqda, müştəri məhsulu mütləq şəkildə piştaxtada gördüyü ucuz qiymətə almaq hüququna malikdir. Bu cür hallar istehlakçıların hüquqlarının pozulması və rəqabət məcəlləsinin ziddinə hesab olunur.

Qeyd edək ki,  "Rahat" marketlər şəbəkəsi  “ANC Group” MMC-nin  tərkibindədir.

MMC-nin  qanuni təmsilçisi Samir Rafiq oğlu Abdullayevdir. 

Xalqxeber-in yazdığına görə,“ANC GROUP” MMC-nin səhmlərinin 10%-Babakişiyev Cəlal Rasim oğluna, 90%-i isə ABDA RETAİL İNVESTMENT HOLDİNG LTD-yə məxsusdur.

ABDA RETAİL İNVESTMENT HOLDİNG LTD şirkətinin təsisçisi və sədri qalmaqallı iş adamı Adnan Əhmədzadədir.

İddilara görə 10 milyon manatlıq avtomobil kolleksiyası olan Adnan Əhmədzadə həm də İngiltərədə milyonluq “party”lərin təşkilinə pullar tökən qeyri-rəsmi iş adamıdır. Adnan Əhmədzadə Azərbaycanda bir neçə marketlər şəbəkəsinin sahibidir. Bunlardan bizə məlum olanları “Bolmart”, “Rahat Market”, “Port Baku Bazar” market şəbəkələridir.

Çimnaz Telmanqızı