Filippində radio aparıcısı DJ Conni Uoker kimi tanınan Xuan Cumalon canlı yayım zamanı hücuma məruz qalıb.

Oxu24.com xarici KİV-ə istinadən xəbər verir  ki,Juan Jumalon yayım zamanı güllələnərək öldürülüb.

O, Filippində sosial şəbəkədə canlı yayım zamanı hücuma məruz qalıb.

Radio aparıcısı DJ Conni Uolker kimi tanınan Xuan Cumalon canlı yayım zamanı studiyaya girən təcavüzkar tərəfindən vurularaq öldürülüb.

Yerli medianın polis mənbələrinə əsaslanaraq verdiyi xəbərlərdə, təcavüzkarın "efirdə vacib bir şey elan etmək" üçün Cumalonun yayımlandığı studiyaya daxil olmaq üçün icazə istədiyi bildirilib.

Filippin Milli Jurnalistlər Assosiasiyası hücumun Cumalonun radio stansiyası kimi də istifadə etdiyi evində baş verdiyini açıqlayıb.

Filippin prezidenti Ferdinand Markos Cumalonun qətlini pisləyərək, "təqsirkarların tez bir zamanda məsuliyyətə cəlb edilməsi üçün hərtərəfli təhqiqatın aparılmasını" əmr etdiyini bildirib.

Polisin verdiyi açıqlamada Cumalonun həyatı üçün daha əvvəl hər hansı bir təhlükənin olmadığı bildirilib.

Müəllif:Afət