SON DƏQİQƏ! İran İsraillə müharibə sualına rəsmi cavab verib

İslam Respublikasının BMT-dəki Daimi Nümayəndəliyi bildirib ki, Təl-Əviv İran ərazisinə hücum etməsə, İsrailin Qəzza zolağında quru əməliyyatı zamanı İran silahlı qüvvələri döyüşlərdə iştirak etməyəcək.

Oxu24.com xəbər verir ki,RİA Novosti diplomatlara istinadən məlumat yayıb.

İsrailin Qəzzada quru əməliyyatına başlayacağı təqdirdə ölkənin müdaxilə edib-etməyəcəyi sualına daimi nümayəndəlik “Aparteid İsrailin İrana, onun maraqlarına və vətəndaşlarına hücum  etməməsi şərti ilə İranın silahlı qüvvələri iştirak etməyəcək”, deyə cavab verib.

Diplomatlar qeyd ediblər ki, Fələstin müqavimət cəbhəsi özünü müdafiə etmək iqtidarındadır.

Bundan əvvəl ABŞ prezidentinin milli təhlükəsizlik üzrə müşaviri Ceyk Sallivan bildirib ki, İran müəyyən mərhələdə Fələstin və İsrail arasındakı münaqişəyə müdaxilə edə bilər.

İranın xarici işlər naziri Hüseyn Əmir Abdollahian bildirib ki, İsrail Qəzza zolağının sakinlərinə zərbələr endirməsə, Fələstin-İsrail münaqişəsinin miqyası genişlənə bilər.

 

Müəllif: Miri Məcidli