Moskvada 4 saat davam edən görüüş başa çatdı. Liderlərin mətbuat qarşısında çıxışı zamanı Paşinyanın açıqlamaları və Əliyevin sərgilədiyi davranış qapalı görüşdə nələrin olduğunu ehtimal etməyə imkan verir.

Nikol Paşinyan: Münaqişə hələ həll olunmayıb; Qarabağın statusu məsələsi qalır; Minsk qrupu çərçivəsində gələcək nizamlanmanı müzakirə etməyə hazırıq; Hərbi əsirlər məsələsi həll edilmədi;

- Münaqişə, status və Minsk qrupu açıqlaması daxili auditoriyaya hesablanıb, çünki o evinə qayıtmalıdır və hansısa nəticə ilə dönmək istəyir;
- Digər həmsədr ölkələrin, xüsusilə Fransanın oyuna yenidən daxil olmaq istəyinin dilə gətirilməsidir;

Ən diqqətçəkən məqam Əliyevin ondan sonra danışan Paşinyanın bu sözlərinə cavab vermək ehtiyacı duymaması idi və bu o deməkdir ki:

1. Ermənistan qapalı görüşdə istədiyi heç nəyə nail ola bilməyib;
2. Əsirlərin qayıtması məsələsinin həll edilməməməsi də görüşün İrəvan üçün ürəkaçan olmadığını göstərir;

Söhbət 10 noyabr razılaşmasından sonra Xocavənddə keçirilən anti-terror əməliyyatı zamanı əsir götürülən silahlı ermənilərdən gedir (rəsmi məlumata görə 62 əsir): Azərbaycan rəsmi şəkildə bu əsirlərin terrorçu olduğunu açıqladı və onlarla bağlı məsələnin həll edilməməsi də görüşdə Bakının istəyini qəbul etdirdiyi fikrini gücləndirir:

- Qarabağ (Xankəndi də daxil olmaqla) Azərbaycan ərazisidir;
- Qarabağda baş verənlər Azərbaycanın daxili məsələsidir, oradakı qanunsuz silahlılar terrorçudur (bundan sonra) və Azərbaycan qanunvericiliyi ilə məsuliyyətə cəlb olunacaq;
- Qarabağdakı silahlı ermənilər çıxarılmasa anti-terror əməliyyatı
təkrarlanacaq;

Bunun əksi olsaydı, Bakı 62 erməni əsirlər bağlı rəsmi mövqeyinə rəğmən, onların qaytarılmasında razılaşardı. Kiçik detaldır, lakin qapalı görüşün nəticəsini təxmin etməyə imkan verir.

İlham Əliyev dedi: Dağlıq Qarabağ münaqişəsi keçmişdə qalıb və biz gələcək barədə düşünməliyik; Qarabağla bağlı razılaşmalar səmərəli şəkildə həyata keçirilir, narahatlıq üçün ciddi səbəblər yoxdur;

Bu, Əliyevin qapalı görüşdə istədiyinə nail olduğu deməkdir: Qarabağdakı erməni silahlıların çıxarılması; Qarabağda hər şeyin rəsmi Bakının icazəsi ilə həll edilməsi;

Ortaq bəyanatın mətni – humanitar və kommunikasiya məsələləri ilə bağlı üçtərəfli işçi qrupunun yaradılması da bunu təsdiqləyir: Bakının Qarabağdakı şərtləri qəbul edilməsəydi, ortaq bəyanatın mətni üçtərəfli əməkdaşlıq olmayacaqdı.

Əliyev Moskvada Putinlə razılaşdı, Paşinyana diktə etdi və mesaj verdi: Münaqişə bitib və Azərbaycan Ermənistanı Qarabağ məsələsində hər-hansı maraqlı tərəf hesab etmir:

a) Qarabağdakı erməni silahlıların çıxarılması prosesi başlanır;
b) Xankəndidə separatçı-terrorçu rejimin mövcudluğuna son qoyulur;

Proseslərin bu istiqamətdə inkişafı gözlənilir. Bundan sonra regional əməkdaşlıq prioritet olacaq.