Son dəqiqə! Milli Məclis koronovirusla bağlı qərar qəbul etdi

“COVİD-19” infeksiyasına qarşı görülən ehtiyat tədbirləri çərçivəsində ölkədə hər şeyi fəaliyyətsiz duruma gətirməyin tərəfdarı deyilik”.

 

Oxu24.com -un  xəbərinə görə, bunu Milli Məclisin deputatı Vahid Əhmədov bildirib. Onun sözlərinə görə, görülən bütün tədbirlər xalqın xeyrinə aparılmalıdır: “İnsanlar var ki, bir gün işləməsə, evinə çörək apara bilməz. Əgər iş yerlərinin hamısını bağlasaq, bu insanlar necə dolanacaqlar? Dünən həmkarım Fazil Mustafa Bakıya giriş-çıxışın bağlanmasını təklif edib. Amma bu yolverilməzdir. Bölgələrdən Bakıya çoxlu məhsullar daxil olur”.

 

Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili isə koronavirusla bağlı görülən tədbirlər çərçivəsində strukturlar arasında uyğunsuzluğun  yarandığını deyib: “Müqavilələrdə fors-major hallarla bağlı xüsusi maddə var. Amma fors-major hallara epidemiyanın yayılması daxil deyil. Belə halda müqavilə öhdəliklərinə yeni anlayışların daxil edilməsi lazım olacaq. Çünki bu gün dünyada epidemiyaların yayılması prosesi çox sürətlə gedir. Digər ölkələrdə hökumət sahibkarlara hansısa güzəşt edir. Bununla bağlı Azərbaycan da daxildə müəyyən müzakirələr aparır”.

 

 

Deputat Rüfət Quliyev isə “COVİD-19” infeksiyasının iqtisadiyyatda yaratdığı problemlərə toxunaraq bildirib ki, koronavirusla əlaqədar inkişaf etmiş dövlətlərdə müəyyən iqtisadi planlar hazırlanır: “Təşvişə, panikaya düşməyə ehtiyac yoxdur. Dövlətimizin kifayət qədər iqtisadi qüdrəti var. Təbiidir ki, iqtisadiyyatda hiss olunacaq. Artıq dövlət strukturlarında və hökumətdə bu məsələyə ciddi baxılır ki, hansı formada iqtisadiyyata o cümlədən sahibkarlara, insanlara kömək etmək mümkündür. Bütün bunlar plan şəklində tutulacaq və həyata keçiriləcək”.

 

Deputat Cavid Osmanov isə hesab edir ki, “COVİD-19” infeksiyasına qarşı hər birimiz birgə mübarizə aparsaq bu virusun yaratdığı fəsadlarda az olar: “Azərbaycan dövlətinin qabaqlayıcı tədbirlər görməsi nəticəsində bu gün Azərbaycanda heç bir ərzaq qıtlığı yoxdur. İnsanlar hər biri sərbəst, istədiyi vaxtda gedib ala bilirlər. Amma eyni zamanda hər bir Azərbaycan vətəndaşı ilk növbədə özü özünü qorumalıdır. Nazirlər Kabinetinin xüsusi qərargahının və Ümumdünya Səhiyyə Təşkilatının verdiyi tövsiyələr əsasında özlərini qorumalıdırlar. Xüsusilə ictimai nəqliyyatdan istifadə edənlər və alış-veriş edənlər gigiyenik qaydalara əməl etsinlər”.

 

Qeyd edək ki, Azərbaycanda 28 nəfərdə koronavirus aşkarlanıb, bunlardan 7-si sağalaraq evə buraxılıb.