Moskvada terror aktının ilk anının VİDEOSU YAYILIB

REN TV “Crocus City Hall”da çəkiliş başlandıqdan sonra ilk saniyələri əks etdirən videoçarx əldə edib.

 

Oxu24.com  xəbər  verir  ki, videoda konserti gözləyən tamaşaçıların  atışma səsi eşitdiyi əks olunub.

 

Bu zaman  onlar  oturacaqlardan qalxıb çıxışa doğru qaçmağa  başlayıblar.

Yayılan videoda  vətəndaşlar  bu  ifadələri  işlədib:

- İlahi, aşağı düşək!

- Daha sürətli!

- Sakit ol, qorxma!

- Çaxnaşma olmadan daha sürətli gedə bilməzsən!

- Bəli, normaldır, od uzaqda yandırılır, təlaşa düşmə!

- Tez çıxaq!

 

Son məlumatlara görə, insident nəticəsində 115 nəfər ölüb, 100-dən çox insan yaralanıb.Uşaq ombudsmanı Mariya Lvova-Belovanın sözlərinə görə, 8 uşaq xəsarət alıb. Bütün zərərçəkənlər paytaxtın 12 xəstəxanasına yerləşdirilib.

Faktla bağlı “terror aktı” maddəsi ilə cinayət işi açılıb. Rusiya prezidenti Vladimir Putinə “Crocus City Hall”da baş verənlər barədə atışma başlayandan sonra ilk dəqiqələrdə məlumat verilib. Həmin gün FSB rəhbəri Aleksandr Bortnikov, daxili işlər naziri Vladimir Kolokoltsev, Rusiya Qvardiyasının direktoru Viktor Zolotov və İstintaq Komitəsinin sədri Aleksandr Bastrıkin prezidentə hesabat təqdim ediblər. 

Martın 23-də FSB terror aktında bilavasitə əli olan dörd yaraqlı da daxil olmaqla 11 nəfərin saxlandığını bildirib. Hücum edənlər avtomobillə Rusiya-Ukrayna sərhədinə doğru hərəkət edərək qaçmağa cəhd ediblər və Bryansk vilayətində təhlükəsizlik qüvvələri tərəfindən saxlanılıblar.

 

 

Nigar