Tərtərdə bıçaqlanan polis zabitinin vəziyyəti yaxşılaşır.
APA TV-nin Qarabağ bürosunun məlumatına görə, polis mayoru Bərdə Mərkəzi Rayon Xəstəxanasında əməliyyat olunub: “Aslanov Elçin İslam oğlu Bərdə Mərkəzi Rayon Xəstəxanasının cərrahiyyə şöbəsinə saat iyirmi radələrində təcili tibbi yardım vasitəsi ilə gətirilib. Zərbələrin 3-ü qarın boşluğuna keçdiyi üçün təcili əməliyyata götürülüb. Vəziyyəti kafidir”.
Xatırladaq ki, hadisə rayonun Buruc kəndində törədilib. Kənd sakini Seyhun Nəcəfov sərxoş vəziyyətdə qardaşı Arif Nəcəfovla mübahisə edib. Arif Nəcəfov hadisə yerinə Tərtər rayon Polis Şöbəsinin İctimai Təhlükəsizlik Bölməsinin rəisi, sahə müvəkkili, mayor Elçin Aslanovu çağırıb. Hadisə yerinə gələn sahə müvəkkili Seyhun Nəcəfovdan bıçağı almağa bacarıb. Lakin Seyhun evə gedərək başqa bir bıçaqla qayıdıb, həmin bıçaqla da sahə müvəkkilinə 5 zərbə endirib.
Seyhun Nəcəfov saxlanılıb, barəsində cinayət işi başlanıb.
Oxu24.com
ŞƏRHLƏR