“Cənub-qərb sərhədlərimizə çıxmaqla Ermənistanın sərhədyanı yaşayış məntəqələrinə gedən yollar və ərazilər də  nəzarətimizə altında olacaq.

Bu sözləri Redaktor.az hərbi ekspert Nazim Bayram deyib. O, dövlət sərhəddinin Sıznaq və Şurnux qəsəbələrindən keçdiyini bildirib:

Birincisi, Görusdan Sıznaqa (Sünikə) Vorotandan keçən qısa yolun bir hissəsi bizim ərazimizdən keçdiyindən, sərhədçilərimiz tərəfindən nəzarətə alınıb. Həmin yol cənubla sərhəd, 200 nəfər əhalisi olan Şurnux kəndindən keçir. Şurnuxdan daha cənubda 700 nəfər əhalisi olan Zeyvə (David-Bek) kəndinə də gediş-gəliş Azərbaycan sərhəd postlarından keçir.

İkincisi, Görusdan Qafana Tatevdən keçən yolun (H45) Sıznaq yaxınlığında 3 km sahəsi də sərhədimizlə paralel, 100 metr məsafədən keçir. Həmin sərhəd sahəsindən Qafan hava limanına qədər məsafə 200 metrdir.

Qafandan daha cənubda yerləşən Çakatrenə və Şıkaoxa gedən yolun təxminən 2 km hissəsi Azərbaycanın ərəzisi ilə keçir. Ermənilərin 2010 il statistik rəqəmlərinə görə, bu kəndlərin hər birində 130-180 adam yaşayır. Yolu sərhəd postumuzdan keçən daha bir kənddə - Şişkertdə 342 nəfər qeydə alınıb.