O, 32 il öncə Xocalıda donmuş ananın qucağından 2 yaşlı bir körpəni götürür və dəfn etmələri üçün məscidə təhvil verir. Vəfat etmiş anasının qucağına qısılmış həmin körpə günlər sonra məsciddə yuyulan zaman ayılır. 

OXU24.COM bildirir ki, körpəni xilas edən şəxs Əsəd Fərəcovdur.

"Mənə dedilər ki, gətirdiyin uşaqlardan biri ayılıb", - o deyir. 

Əsəd Fərəcov 32 ildir ki, xilas etdiyi həmin körpəni axtarırdı:

"Mən o uşağı xilas etdim, amma sonrakı taleyi barədə heç nə bilmirdim" 

Əsəd bəylə xilas etdiyi həmin körpə qız 32 il sonra görüşüb.