Türkə, türk millətinə "soyqırımı" ifadəsini yapışdıra bilməzsiniz, bütün dəlillər Qarabağdadır.

Oxu24.com xəbər verir ki, bunu Türkiyə Prezidenti Rəcəb Tayyib Ərdoğan ABŞ prezidenti Co Baydenin qondarma "erməni soyqırımının ildönümü" münasibətilə "soyqırımı" ifadəsini işlətməsinə münasibət bildirərkən deyib.

Ölkə lideri deyib ki, Ermənilərin Dağlıq Qarabağ və Azərbaycan şəhərlərində etdikləri göz qabağındadır:

"Minsk Qrupu üçlüyü yaradılmışdı. Bu qrupda kimlər vardı? Amerika, Rusiya və Fransa. Bu ölkələr 30 il ərzində Qarabağı işaldan qurtara bilmədi və 1 milyondan çox azərbaycanlı qardaşlarımız nə yazıq ki, öz yurlarını tərk etmək məcburiyətində qaldı. Bütün Qarabağ yandırıldı, dağıdıldı. Əgər "soyqırımı" deyirsinizsə, güzgüyə baxın. Bütün dəlillər Qarabağdadır. Bütün bunlar ortadaykən, sizlər qalxıb türkə, türk millətinə "soyqırımı" ifadəsini yapışdıra bilməzsiniz".