44 günlük  Vətən  Müharibəsində  bir  çox  qəhrəmanlarımız  tarix  yazdı. Onların sırasında Əliyev Fariz Fəyyaz oğlu  da  var. 

Oxu24.com  xəbər  verir   ki, Döyüşçü 1986 - cı ildə Sumqayıt şəhərində dünyaya gəlib. 3 il əvvəl bədbəxt hadisə nəticəsində xəsarət alıb. Onurğasının 8 fəqərəsi zədələnib.

Bütün bunlar onun hərbi komissarlığın çağırışı ilə cəbhəyə yollanmağına mane olmadı.

N saylı hərbi hissədə Vətənə xidmətə yollanır. Füzuli, Cəbrayıl, Ağcakənd, Zəngilan istiqamətlərində döyüşlərdə iştirak edir. Ağcakənd uğrunda gedən döyüşlərdə kəllə-beyin travması alıb. 

Döyüşlərin qızğın vaxtında təkbaşına 16 yaralı əsgərin döyüş meydanından  çıxarılmasına nail olub. Xoşbəxtlikdən həmin əsgərlər hazırda sağdır.  O deyir ki, nə belindəki ağrıları, nə də minaatanları hiss edirdim. 

Əliyev Fariz Azərbaycanın Ali Baş Komandanı Zəfərimizi elan etdikdən 10 gün sonra əvvəlcə Füzuli Hərbi Hospitalına, daha sonra Bakı Mərkəzi Hərbi Hospitalına yerləşdirilib.

Mərdəkanda reabilitasiya dövrü keçib. Hazırda vəziyyəti stabildir.  O, xoşbəxtdir. Vətənin Zəfərində onun da əməyinin olması sevindiricidir. 

Qeyd edək ki, döyüşçümüz şəhid övladıdır. Onun atası Əliyev Fəyyaz  Birinci Qarabağ Müharibəsi  zamanı  şəhid  olub. Qəhrəman  hərbçimiz  həmçinin Azərbaycan Televiziyasının əməkdaşı, tanınmış  jurnalist Günay Ardanın qardaşıdır.