Adanada iki düşmən qrup arasında baş verən silahlı qarşıdurma zamanı güllə yoldan keçən ananın qucağında olan yaş yarımlıq uşağa dəyib. Xəstəxanaya aparılan bədbəxt uşağı xilas etmək mümkün olmasa da, hadisə nəticəsində 7 nəfər yaralanıb.

Oxu24.com DHA-ya istinadən xəbər  verir   ki,hadisə axşam saatlarında mərkəz Seyhan mahalının Gülbahçesi Məhəlləsində baş verib.

İddialara görə, iki düşmən qrup küçənin ortasında mübahisə edib.

Mübahisə qısa zamanda atışmaya çevrilib. İki qrup bir-birinə atəş açanda güllə yoldan keçən ananın qucağında olan uşağa dəyib.

Ağır xəsarət alan uşaq yaxınlıqdakı vətəndaşın avtomobili ilə xəstəxanaya aparılıb. Xəbərdarlıq üzərinə hadisə yerinə çoxlu polis və sağlamlıq qrupu göndərilib.

Silahlı qarşıdurmada yaralandığı təsbit edilən 7 nəfər sağlamlıq qrupları tərəfindən xəstəxanaya aparılıb. Xəstəxanada müalicə alan yaralı uşaq həkimlərin bütün müdaxiləsinə baxmayaraq dünyasını dəyişib. Polis hadisəyə qarışan çox sayda şəxsi saxlayıb və qaçan şübhəlilərin tutulması üçün işlərə başlayıb.

Tərcümə: Nigar