Azərbaycanda dəhşət: Evində diri-diri yanan qadın görün kimdir - VİDEO

Zərdabda baş verən yanğında 1 nəfər yanaraq ölüb. 

Oxu24.com-un  xəbərinə görə, hadisə ötən gün gecə saatlarında rayonun Çallı kəndində qeydə alınıb.

Kənd sakini, 1936- cı il təvəllüdlü Faizə Süleymanovaya  məxsus 1 mərtəbəli 3 otaqdan ibarət evdə güclü yanğın baş verib.

Ev tamamı ilə yanaraq külə dönüb. Hadisə yerinə Fövqəladə Hallar Nazirliyinin Zərdab Rayon Yanğından Mühafizə Hissəsinin texnikası və canlı qüvvəsi cəlb olunub.

Yanğın söndürülüb. Hadisə yerinin kəşfiyyatı zamanı   ev sahibi F. Süleymanovanın yanmış meyiti aşkar olunub.

Meyit aidiyyəti üzrə təhvil verilib.

Hadisənin elektrik naqillərində baş verən qısaqapanmadan olduğu ehtimal edilir.

Qeyd edək ki,  F. Süleymanovanın həyat yoldaşı bir müddət əvvəl rəhmətə gedib. O vaxtdan mərhum tək yaşayırmış. Faktla bağlı araşdırma aparılır.