Rusiyaya  hücumun videosu yayıldı

Leninqrad vilayətinin qubernatoru Aleksandr Drozdenko pilotsuz uçuş aparatının necə məhv edildiyini göstərən video yayımlayıb.

 

Oxu24.com  xəbər  verir  ki, O, görüntüləri öz Telegram kanalında paylaşıb.

 

“Hava hədəfinin məhv edilməsi anı. Tələfat və dağıntı yoxdur”, -  deyə  Drozdenko  paylaşdığı  videoya  yazıb.

Bundan əvvəl Rusiya Milli Qvardiyasının Şimal-Qərb Bölgəsi (NQQ) üzrə Telegram kanalı məlumat vermişdi ki, daha əvvəl Sankt-Peterburqun Kalininski rayonunda Piskarevski prospektində bir evə pilotsuz uçuş aparatının düşməsi nəticəsində ziyan dəyib. 

Açıqlamada qeyd olunur ki, martın 2-də səhər saatlarında idarənin əməkdaşları qəzalı vəziyyətdə olan evin sakinlərinin təxliyyəsini və əmlaklarının mühafizəsini təmin etmək üçün hadisə yerinə gəliblər. Ümumilikdə 100-ə yaxın vətəndaş binadan çıxarılıb.

 

Nigar