Qaynar xətt:

(+99450) 247 90 86

Beyrutda baş vermiş dəhşətli partlayışın videosu yayıldı

Beyrutda baş vermiş dəhşətli partlayışın videosu yayıldı

ŞƏRHSİZ

827

05.08.2020, 18:54

Google
Xəbərlərimizi Google-da izləyin
Yeniliklərdən dərhal xəbərdar olun
Abunə ol

Livanın paytaxtı Beyrut şəhərində limanda baş vermiş şiddətli partlayışda ölənlərin sayı 113-ə çatıb.

Oxu24.com -un  xəbərinə görə, bu barədə “Sky News Arabia” telekanalı ölkənin Səhiyyə naziri Həmad Həsənə istinadən məlumat yayıb.

Nazir 4 minə yaxın insanın partlayış nəticəsində müxtəlif dərəcəli xəsarətlər aldığını bildirib.

Bundan əvvəl partlayışda 108 nəfərin həlak olduğu açıqlanmışdı. 

Qeyd edək ki, avqustun 4-də Livan Hərbi Dəniz Qüvvələrinin bazası yaxınlığında yerləşən Beyrut limanında güclü partlayış baş verib.

Partlayış nəticəsində onlarla ev, avtomobil dağılıb və ya zədələnib, bir çox yaşayış kvartalında binaların şüşəsi sınıb.

Yerli hakimiyyət orqanlarının məlumatına görə, partlayışa 2015-ci ildə gömrük orqanları tərəfindən müsadirə olunmuş, anbarda saxlanan 2.7 min ton ammiak maddəsinin detonasiyası səbəb olub.

Ölkədə matəm, paytaxt Beyrut isə fəlakət zonası elan edilib. Beyrutda iki həftəlik fövqəladə vəziyyət rejimi tətbiq olunub.

Partlayış  zamanı  yaxın ərazidə yaranan  vəziyyətin  video  görüntüsünü tədim  edirik: