Qəbiristanlıqda yer qalmadı, koronavirusdan ölənlərin cəsədləri evlərin önünə qoyuldu +VİDEO

Ekvadorda polis koronavirusdan ölənlərin cəsədlərini evlərinin qarşısına qoymağa başlayıb.

“HaberGlobal” məlumat verir ki, ölkədə səhiyyə sisteminin çökməsi və yetərli infrastrukturun olmaması səbəbindən cəsədlər küçələrdə qalır.

Ekvadorun qərbində yerləşən Quayakil şəhərində qəbiristanlıqda yer tapılmadığı üçün polislər meyitləri evlərin qarşısına qoyurlar.

Ekvador prezidenti Lenin Moreno rəsmi məlumatların təhrif olunduğunu etiraf edərək, 2500 nəfərin koronavirusdan öldüyünü açıqlayıb.

Qeyd edək ki, rəsmi məlumatlarda Ekvadorda koronavirusa yoluxanların sayının 3368, ölənlərin isə 145 nəfər təşkil etdiyi bildirilib.

Həmçinin oxu:  DƏHŞƏT: Şəhərdə pişiklərin 15% -ində koronavirus aşkarlandı – Sakinlər panikada

Siqaret çəkən insanlar koronavirusu necə keçirir ? - AÇIQLAMA