Elektron dəri istehsal edildi: Toxunma hissi var

İnsan dərisindəki reseptorlar toxunulan ərazidə güc və gərginliyi aşkar etmək qabiliyyətinə malikdir. Tədqiqatçılar bu təbii mexanizmdən ilhamlanaraq insan dərisinin üç qatından ibarət elektron dəri hazırlayıblar: epidermis, dermis və hipodermis.

Oxu24.com xəbər verir ki, Çinin "Tsinghua" Universitetinin tədqiqatçıları bu ixtiranın aşkarlama qabiliyyətinə görə bu növdə ilk olduğunu deyir.

“Science” jurnalında dərc edilən araşdırmaya görə, dəri eyni vaxtda analiz edərək səthdəki təzyiq, sürtünmə və gərginliyi aşkar edə bilir. Tədqiqatçılar bildirirlər ki, bu dərinin üçölçülü strukturunda xarici qıcıqlandırıcıları aşkar edə bilən çoxlu reseptorlar var ki, onları sarğı kimi barmağa taxmaq olar.

Sensorlar tərəfindən toplanan siqnallar bir sıra ötürmə və çeşidləmə proseslərindən keçdikdən sonra dərin öyrənmə alqoritmləri ilə birləşdirilir. Bu yolla elektron dəri obyektlərin sərtliyini və formasını dəqiqliklə müəyyən edir. Tədqiqatın müvafiq müəllifi Zhang Yihui kəşflə bağlı danışıb:

"Şəhadət barmağının ucu ölçüsündə elektron dəri parçası hər biri 200 ilə 300 mikrometr arasında olan 240 metal sensorla təchiz edilib".

Yeni texnologiyanın insanabənzər robotlardan biotibbi diaqnostikaya qədər müxtəlif sahələrə töhfə verəcəyi gözlənilir. Zhang deyir ki, elektron dəri erkən mərhələdə dəqiq diaqnoz və müdaxilələr etmək üçün tibb sahəsində istifadə edilən robotların barmaqlarının ucuna yapışdırılma potensialına malikdir.

Mənbə: Trthaber.com

Yeganə