Yas mərasimində zəhərlənən 15 nəfərin vəziyyəti AÇIQLANDI -YENİLƏNDİ

Bərdədə dəm qazından zəhərlənən 15 nəfərin son durumu açıqlanıb.

OXU24.COM  Trend-ə istinadən xəbər verir ki, onlardan 14-ü evə buraxılıb.

"23.02.2025-ci il tarixində saat 01:10 radələrində dəm qazından zəhərlənmə səbəbilə Bərdə Rayon Mərkəzi Xəstəxanasının Təcili tibbi yardım şöbəsinə 15 nəfər (11-i qadın cinsli, 4-ü kişi cinsli olmaqla) hospitalizasiya olunub.

Onların hər birinə zəruri tibbi yardım göstərilib. Vəziyyətləri qənaətbəxş olan 14 nəfər ambulator müalicə üçün evə buraxılıb, 1 nəfərin (qadın cinsli) müalicəsi isə müvafiq şöbədə davam etdirilir, vəziyyəti stabildir", - deyə xəstəxanadan bildirilib.

***

Bərdədə 15 nəfər dəm qazından zəhərlənib.

Hadisə rayonun Həsənqaya kəndində baş verib.

Kənddə keçirilən yas mərasimində iştirak edən şəxslərin 15 nəfərində halsızlıq və qusma baş verib. Onların bir qismi şəxsi avtomobil, digərləri isə təcili yardım avtomobili ilə Bərdə Diaqnostika mərkəzinə çatdırılıb.

Xəstəxanadan verilən məlumata görə, zəhərlənmə diqanozu ilə xəstəxanaya daxil olan 15 nəfərdən bir nəfəri Hüseynova Əsmər Əfqan qızının vəziyyəti ağır olduğundan reanimasiya şöbəsinə yerləşdirilib.

Digər xəstələrə lazimi ilkin köməklik göstərilib vəzyətləri stabilləşib həyatı təhlükəsi yoxdur.

Faktla bağlı araşdırma aparılır.