Bakıda məşhur şirkətin işçisinə cinayət işi açıldı — TƏFƏRRÜAT

Bakıda məşhur şirkətin pulunu və əmlakının mənimsəyən şəxsə cinayət işi açılıb.

Demokrat.az-ın xəbərinə görə, Bakı şəhər sakini Elbəyi Quluzadənin barəsində Cinayət Məcəlləsinin 179.2.3-cü (şəxs tərəfindən öz qulluq mövqeyindən istifadə etməklə mənimsəmə və ya israf etmə) maddəsi ilə ittiham elan edilib.

İttihama görə, Elbəyi Quluzadə “Avrora” Məhdud Məsuliyyətli Cəmiyyətin əməkdaşı olub. O, MMC-yə məxsus əmlakı götürək, ələ keçirib.

Bundan sonra MMC-nin rəhbəri hüqiq-mühafizə orqanlarına müraciət edib. Müraciət əsasında Elbəyi Quluzadənin barəsində cinayət işi başlanıb.

Elbəyi Quluzadənin barəsində olan cinayət işi tamamlanıb və  iş baxılması üçün Səbail rayon Məhkəməsinə göndərilib.

Cinayət işi araşdırılması üçün hakim Ülviyyə Şükürovanın icraatına verilib.

Cinayət işi üzrə “Avrora” MMC zərərçəkmiş şəxs qismində tanınıb.

Məhkəmənin hazırlıq iclası martın 18-nə təyin edilib.