Nəvə nənəsindən oğurluq etdi - Polisə düşdü

  Tovuz rayonunda nəvə nənəsindən oğurluq edib.

Daxili İşlər Nazirliyinin mətbuat xidmətindən verilən məlumata görə, Qədirli kənd sakini olan bir qadın ona məxsus evdən qızıl-zinət əşyalarının oğurlandığını bildirib. Araşdırmalar zamanı məlum olub ki, vətəndaşın evindən ümumi dəyəri 3000 manat olan qızıl-zinət əşyaları oğurlanıb. Həyata keçirilən əməliyyat-axtarış tədbirləri nəticəsində zərərçəkənin cinayəti törətməkdə şübhəli bilinən yeniyetmə nəvəsi N.Paşayev saxlanılıb. Dindirilmə zamanı o, törətdiyi oğurluq hadisəsini etiraf edib və oğurladığı əşyaları istintaqa təhvil verib. Faktla bağlı araşdırma aparılır.