Bakının Suraxanı rayonunda qətl hadisəsi baş verib.

Cinayətin qurbanı 1979-cu il təvəllüdlü Sofiyev Araz Knyaz oğlu olub.

Bu barədə Oxu.Az-a Rayon Polis İdarəsindən məlumat verilib.


Məlumata əsasən, iyulun 7-si saat 03:00-da Yeni Günəşli qəsəbəsində yaşayan A.Sofiyevin evinə iki naməlum şəxs basqın edib. Təqsirləndirilən şəxslərin dediyinə görə, evin sahibinin onlara pul borcu olub. Həmin şəxslər ev sahiblərinə bıçaqla xəsarət yetiriblər. Nəticədə A.Sofiyev aldığı xəsarətlərdən dünyasını dəyişib.

Naməlum şəxslər evdən 4800 ABŞ dolları aparıblar və evdən çıxarkən A.Sofiyevin həyat yoldaşı Rəna Sofiyevaya da bıçaqla xəsarət yetiriblər. Qadına tibb yardım göstərilib.

Hazırda hadisəni törətməkdə şübhəli bilinən şəxslərin tapılması istiqamətində axtarış-əməliyyat tədbirləri həyata keçirilir.

Faktla bağlı araşdırma aparılır. Oxu24.com