DTX-nin saxladığı şəxs HƏBS OLUNDU

Sosial şəbəkələrdə dini ekstremist materialları yayan, ictimai təhlükəli nəticələrin baş verməsi təhlükəsi yaradan partlayış, yanğın və digər hərəkətlər (terror aktı) törətməyə təkrar açıq çağırışlar edən 1995-ci il təvəllüdlü Quba sakini Mehrab Dadaşovun barəsində Dövlət Təhlükəsizliyi Xidmətində (DTX) başlanılmış cinayət işi üzrə məhkəmə prosesi başa çatıb.

Oxu24.com   xəbər verir ki, Quba Rayon Məhkəməsində keçirilən prosesdə təqsirləndirilən şəxs 8 il müddətinə azadlıqdan məhrum edilib.

Mehrab Dadaşov məhkəmədə ifadəsində təqsirini etiraf edib.

2020-ci ildən öz istəyi ilə ibadət etməyə başladığını bildirən Mehrab Dadaşov sosial şəbəkədə etdiyi paylaşımlarına görə DTX-yə dəvət edilib. Mehraba əməllərində cinayət tərkibinin əlamətləri olduğu bildirilərək onunla profilaktik söhbət aparılıb:

“Xəbərdarlığa məhəl qoymaraq instaqramda yeni hesab açdım. Terror təşkilatlarının tərkibində döyüşən ekstremistlər, döyüşlərdə istifadə olunan silahlar, eləcə də cihad və cihada çağırış barədə foto-video materialları paylaşdım. Yenidən xəbərdalıq olunsa da, əqidəmdən dönməyəcəyimi bildirdim. İŞİD-ə olan sevgimdən əməlimi düzgün hesab etdim. Əlverişli şərait yaranacağı halda hicrət etməyi və döyüşlərdə iştirak etməyi qərara aldım. Qarabağ uğrunda gedən döyüşlərdə həlak olanları deyil, din uğrunda döyüşlərdə ölənləri şəhid hesab edirəm. Sonradan tutulacağımdan qorxduğum üçün Rusiyanın Rostov şəhərinə getdim. Daha sonra barəmdə axtarış olmadığını düşünərək Qubaya qayıtdım. Bir müddət paylaşım etmədim”.

Məlum olub ki, M.Dadaşov növbəti paylaşımlarında Azərbaycan dövlətini dini dövlət etmək yolunda mübarizəyə dair çağırışlar edib.

Həmçinin oxuyun

 "Məhəmməd Peyğəmbər bir dəfə belə, qadınlara əl qaldırmamışdır" - İlahiyyatçı ilə MÜSAHİBƏ  

Onlar yeni vəzifəyə təyin olundular -FOTO

Prezident hər kəsin gözlədiyi Qanunu TƏSDİQLƏDİ! Bu pulları dövlət ödəyəcək

Prezident FƏRMAN İMZALADI:Yeni təşkilatlar YARADILDI

“Digərləri ilə birgə cihad etmək, ayağa qalxıb üsyanlar etmək istədim. Hər hansı bir islam dövlətindən dəstək gələcəyi təqdirdə bu arzuya daha tez çatacağımı düşündüm”.

DTX-nin diqqətdə saxladığı və unuduluğunu zənn edən M.Dadaşov ömrünün 8 ilini dəmir barmaqlıqlar arasında keçirəcək.

teleqraf.az