Daha bir vəkil həbs edildi
16 Noyabr 2026, 11:06
Qaynar xətt:
(+99450) 247 90 86
KRİMİNAL
1449
23.10.2025, 10:30
Prezident Administrasiyasının sabiq rəhbəri Ramiz Mehdiyevin ağır ittihamlarla cinayət məsuliyyətinə cəlb edilməsi uzun illər onun ətrafında olmuş şəxsləri yenidən gündəmə gətirib.
Oxu24.com "Qafqazinfo"ya istinadla xəbər verir ki, R.Mehdiyevə xidmət etmiş "Baku Steel Company"nin keçmiş rəhbəri Rasim Məmmədov da həmin təsir sisteminin içində yer almışdı.
Bu yaxınlıq onu metallurgiya sahəsində tanınmış iş adamına çevirsə də, xilas edə bilmədi. 2021-ci ildə Dövlət Təhlükəsizliyi Xidməti (DTX) Rasim Məmmədovu həbs etdi.
Məmmədov artıq 4 ildir həbsdədir. Mənimsəmə, dələduzluq və başqa cinayətlərinə görə hələ 10 ilə yaxın da həbsdə qalmalı olacaq.
Ramiz Mehdiyev yaxın adamını necə həbs etdirib?
Ramiz Mehdiyev onu da satdı
2020-ci ilin sonlarında artıq Ramiz Mehdiyevin ailəsi Rasim Məmmədovdan üz çevirdi. Əvvəlcə onun oğlu Teymur Mehdiyev və kürəkəni İlham Əliyev Rasim Məmmədovdan şikayət etdilər. Onlar ərizələrində göstəriblər ki, R.Məmmədov birindən 4 milyon, digərindən isə 3.5 milyon dollar mənimsəyib. Mehdiyev ailəsi illərlə o dövrlərdə metalurgiya sahəsini öz inhisarında saxlayan zavoddan gələn pullar hesabına özlərinə yeni bizneslər qurdular.
Uzun müddət Ramiz Mehdiyevin "çətiri" altında fəaliyyət göstərmiş iş adamı sonradan öz məhkəmə proseslərində bu münasibətdən açıq şəkildə danışmağa başladı: "Mən yediyim qaba tüpürməmişəm. Ramiz Mehdiyevi atam qədər istəyirdim. Pis günündə yanında olmuşam. İşdən sonra onu gəzdirmişəm, xəstə olub, yanına getmişəm".
O, vəkillərinin vəsatətinə qarşı çıxaraq "ağsaqqalı"nın məhkəmədə dindirilməsinə belə razılıq verməsə də, Mehdiyev "Mən özüm bilirəm hərəkətim və mənəviyyatım nədən ibarətdir. Biz hüquqi dövlətdə yaşayırıq, hər kəs törətdiyi əmələ görə cavab verəcək", - deməklə onunla məsafə saxladı.
Ramiz Mehdiyev yaxın adamını necə həbs etdirib?
Sonuncu plan da alt-üst oldu
Ramiz Mehdiyevin qızı Kamilə Əliyeva ilə Rasim Məmmədovun həyat yoldaşı Mehriban Məmmədova daha sonra üzərinə həbs qoyulmuş "Baku Oksford Məktəbi" uğrunda mübarizə aparmağa başladılar.
Tərəflər məktəbdə pay hüquqlarının onlara məxsus olduğunu iddia etsələr də, məhkəmələr binanın "Baku Steel Company"dən mənimsənilən vəsaitlə inşa olunduğunu təsdiqlədi. Nəticədə bina dövlət nəfinə müsadirə edildi.
İndi isə vəziyyət dəyişib - Rasim Məmmədov illərdir həbsdə yatır, Ramiz Mehdiyev isə ev dustaqlığındadır. Ona qarşı dövlətə xəyanət, hakimiyyəti zorla ələ keçirməyə yönələn hərəkətlərdən əlavə, cinayət yolu ilə qazanılmış pulların leqallaşdırılması ittihamı da irəli sürülüb. Məhz bu epizod üzrə Rasim Məmmədov da şahid qismində dindirilə bilər. Onun nələri etiraf edəcəyini isə indidən maraq doğurur.
Ramiz Mehdiyevin özünün də dediyi kimi: "Hər kəs törətdiyi əmələ görə cavab verəcək".
11:40 / 16 Noyabr 2026
7
11:33 / 16 Noyabr 2026
29
11:27 / 16 Noyabr 2026
39
11:26 / 16 Noyabr 2026
49
11:20 / 16 Noyabr 2026
47
11:11 / 16 Noyabr 2026
55
11:06 / 16 Noyabr 2026
53
11:01 / 16 Noyabr 2026
55
10:57 / 16 Noyabr 2026
83
10:46 / 16 Noyabr 2026
60
10:41 / 16 Noyabr 2026
98
10:40 / 16 Noyabr 2026
97
10:37 / 16 Noyabr 2026
77
10:23 / 16 Noyabr 2026
86
10:04 / 16 Noyabr 2026
71
09:57 / 16 Noyabr 2026
110
09:47 / 16 Noyabr 2026
111
09:32 / 16 Noyabr 2026
82
08:54 / 16 Noyabr 2026
119
08:45 / 16 Noyabr 2026
120
08:42 / 16 Noyabr 2026
496
08:32 / 16 Noyabr 2026
116
08:21 / 16 Noyabr 2026
126
© 2026 Oxu24.com Müəllif hüquqları qorunur.