Albaniyada 28 yaşlı hücumçu və Qana millisinin sabiq üzvü Rafael Dvamena futbol üzrə ölkə çempionatının oyunu zamanı dünyasını dəyişib.

 

Oxu24.com xəbər  verir  ki,Bu barədə Qana Futbol Assosiasiyası məlumat yayıb.

 

Noyabrın 11-də Dvamena "Eqnatiya"nın heyətində "Partizani" ilə qarşılaşsa da, matçın 24-cü dəqiqəsində huşunu itirib.

 

Gələn həkimlər infarkt diaqnozu qoyub idmançını xəstəxanaya çatdırsalar da, futbolçu tibb müəssisəsində dünyasını dəyişib.

 

Dvamena 2023-cü il yanvarın 1-də Eqnatiyaya keçib. Bundan əvvəl o, İsveçrənin “Sürix”, Avstriyanın “Avstriya”, İspaniyanın “Levante” və “Saraqosa” və bir sıra digər klublarda çıxış etməyi bacarıb. Bundan əlavə, Qana millisinin heyətində səkkiz oyun keçirib, iki qol vurub.

 

Bir neçə gün əvvəl Soçidə rusiyalı futbolçu və məşqçi Aleksey Lesin naməlum şəraitdə dünyasını dəyişib. Atasının sözlərinə görə, o, gecə yarısı Qara dənizdə boğulub.

 

 

Müəllif: Miri Məcidli

 

Oxu24.com