“Qalatasaray” heyətini yeni futbolçu ilə gücləndirib.

 Oxu24.com xəbər verir ki, İstanbul klubu “Eyüpspor”dan Ahmed Kutucunu transfer edib. Bu barədə klubun mətbuat xidməti məlumat yayıb. 24 yaşlı hücumçu ilə 3,5 illik müqavilə imzalanıb.

Türkiyə mətbuatı yazıb ki, “Qalatasaray” bu transfer üçün “Eyüpspor”a 5 milyon avro ödəyəcək.

Qeyd edək ki, Türkiyə millisinin də üzvü olan Kutucu bu mövsüm Superliqada 18 oyunda 8 qol vurub, 7 qol ötürməsi edib.