Səudiyyə Ərəbistanının “Əl-İttihad” komandasında çıxış edən fransalı futbolçu Kərim Benzema gələcək karyerası ilə bağlı qərarını verib.

Oxu24.com  xarici mətbuata istinadən xəbər verir ki, 37 yaşlı forvard gələn ilin may ayında futbolla vidalaşacaq.

Artıq onun yeni iş yeri də bəllidir. Benzema karyerasını bitirdikdən sonra sabiq komandası olan İspaniyanın “Real Madrid” klubunun səfiri olacaq.

Qeyd edək ki, K. Benzema “Real Madrid”lə yanaşı, ölkəsində “Lion” komandasının da formasını geyinib. O, 2023-cü ilin yayından “Əl-İttihad”da çıxış edir.