Alimentə görə nə qədər həbs düşür?

HÜQUQ

852

14.01.2026, 19:47

Aliment ödənilməsinə görə şəxs cinayət məsuliyyətinə cəlb edilə bilərmi?

Cəmiyyətdə tez-tez müzakirə olunan hüquqi məsələlərdən biri də aliment öhdəliyinin yerinə yetirilməməsi və bunun hansı məsuliyyətə səbəb olmasıdır. Qanunvericilik alimentin ödənilməsini uşağın və ya təminat alan şəxsin əsas hüquqlarından biri kimi müəyyən edir və bu öhdəliyin pozulması ciddi hüquqi nəticələr yarada bilər.

Oxu24.com xəbər verir ki,alimenti ödəməkdən qəsdən yayınan şəxs barəsində qanunla nəzərdə tutulmuş məcburetmə tədbirləri tətbiq oluna bilər.

Belə ki, nikaha xitam verildikdən sonra məhkəmə qərarı ilə müəyyən edilmiş aliment borcu ödənilmədikdə və ya tam ödənilmədikdə, qarşı tərəfin şikayəti əsasında icra məmuru tərəfindən borclu şəxsə alimentin ödənilməsi barədə bir neçə dəfə rəsmi xəbərdarlıq edilir.

Xəbərdarlıqlara baxmayaraq aliment borcu yenə də ödənilməzsə, icra məmurunun təqdimatı əsasında borclu şəxs barəsində məcburi gətirilmə tədbiri tətbiq oluna və eyni zamanda cinayət təqibinə başlanılması üçün materiallar aidiyyəti üzrə göndərilə bilər.

Həmçinin oxuyun

Milli Məclisdən maaşlarla bağlı QƏRAR: İşçilərə bərabər əməkhaqqının verilməsi təmin OLUNACAQ

Milli Məclis qərar qəbul edib: Bu,siyahı genişləndi

Bakıya giriş ÖDƏNİŞLİ olacaq?—Ekspertdən AÇIQLAMA

Azərbaycanda sel oğlanı apardı — VİDEO

Azərbaycan Respublikasının Cinayət Məcəlləsinin 306-cı maddəsinə (məhkəmə qərarını, hökmünü və ya digər məhkəmə aktını qəsdən icra etməmə) əsasən, məhkəmə qərarını icra etməyən şəxs cinayət məsuliyyətinə cəlb edilə bilər.

Bu maddəyə uyğun olaraq təqsirli şəxs 2 000 manatdan 4 000 manatadək cərimə, 320 saatdan 480 saatadək ictimai işlər, 2 ilədək islah işləri, 3 ilədək azadlığın məhdudlaşdırılması və ya azadlıqdan məhrum etmə cəzası ilə cəzalandırıla bilər.

Beləliklə, alimentin ödənilməməsi yalnız mülki-hüquqi məsuliyyətlə kifayətlənmir, müəyyən hallarda cinayət məsuliyyəti də yaradır. Bu baxımdan aliment öhdəliyi daşıyan şəxslər məhkəmə qərarlarına ciddi yanaşmalı və qanunla müəyyən edilmiş tələbləri vaxtında yerinə yetirməlidirlər.

Turan