Hacıbəylinin Mehdiyevdən "mükafat" aldığı evlər müsadirə oluna bilərmi? — Vəkildən AÇIQLAMA

$Hacıbəylinin Mehdiyevdən \"mükafat\" aldığı evlər müsadirə oluna bilərmi? — Vəkildən AÇIQLAMA$

HÜQUQ

3025

03.12.2025, 12:11

Xəbərlərimizi Google-da izləyin

Yeniliklərdən dərhal xəbərdar olun

Ramiz Mehdiyevin və onunla əlaqəli şəxslərin cinayət məsuliyyətinə cəlb edilməsi cəmiyyətdə böyük müzakirələrə səbəb olub.Müzakirə mövzusu olan şəxslərdən biri də keçmiş deputat Gültəkin Hacıbəyli və onun Ramiz Mehdiyevlə əlaqələridir.

Oxu24.com bundan öncə Gültəkin Hacıbəylinin Ramiz Mehdiyevin ailəsinə məxsus binalardan iki bahalı mənzillə təmin olunması barədə məlumat vermişdi.Ramiz Mehdiyev bu evləri Gültəkin Hacıbəyliyə nəyin müqabilində verib?Sözügedən mənzillərə həbs qoyula və ya onlar müsadirə edilə bilərmi?Bunlar hansı qaydada həyata keçirilir?

Mövzu ilə bağlı Oxu24.com-a danışan vəkil Ruslan Vəliyev bildirib ki,şəxs haqqında təqib olunan işin xarakterindən asılı olaraq təqsirləndirilənin və ya borclunun adına olan,eləcə də dolayısı yolla ona məxsus olduğu sübut edilən hər hansı bir əmlakın üzərinə müvafiq məhkəmənin və ya icra qurumunun qərarı ilə həbs qoyula bilər.Bundan savayı qeyri-qanuni yolla və ya cinayət yolu ilə qazanılmış vəsait hesabına əldə olunmuş əmlak cinayət işinin araşdırılması və ya məhkəmə predmeti olarsa,Azərbaycan Respublikası Cinayət Prosessual Məcəlləsinin müvafiq maddəsinə əsasən müsadirə edilə bilər",-deyə vəkil Ruslan Vəliyev bildirib.

Qanun da göründüyü kimi,sözügedən əmlaklar məhkəmənin qərarı ilə müsadirə oluna bilər. Kim zəmanət verə bilər ki,Gültəkin Hacıbəyli bu əmlakları cinayət yolu ilə,yaxud qeyri-qanuni əldə etməyib?...Bütün bunlara DTX-də aparılan cinayət işində təbii ki,aydınlıq gələcək.

Oxu24.com mövzu ilə bağlı araşdırmalarını davam etdirəcək.

Miri Məcidli

Həmçinin oxuyun