DİN-dən sürücülərə müraciət

HÜQUQ

632

15.08.2025, 10:37

Daxili İşlər Nazirliyi (DİN) həftəsonu istirahətə yollanacaq sürücülərə təhlükəsizlik qaydalarına riayət etməyi tövsiyə edib.

Oxu24.com-a daxil olan müraciətdə deyilir ki, yay mövsümündə paytaxtdan bölgələrə səfər edənlərin sayı artır və ani diqqətsizlik tez-tez ağır nəticələrə səbəb olur.

Polis sürücüləri aşağıdakı qaydalara əməl etməyə çağırır:

- səfərə çıxmazdan öncə avtomobilin texniki sazlığını yoxlayın;

- sərxoş vəziyyətdə sükan arxasına əyləşməyin;

- təhlükəsizlik kəmərindən istifadə edin;

- ⁠sürət həddini aşmayın;

- sürət həddini yolun növünə və hava şəraitə uyğun seçin;

- qarşıda hərəkət edən maşınla ara məsafəsinə diqqət edin;

- ötmə qaydalarına uyğun davranın;

Həmçinin oxuyun

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Gəncləşmiş ölümlərin səbəbi bu imiş? — Mütəxəssisdən ŞOK XƏBƏRDARLIQ

- telefon istifadəsi və diqqət yayındıran bütün nüanslardan çəkinin;

- ⁠mümkünsə günün erkən saatlarında yola çıxın.

“Əziz hərəkət iştirakçıları, yay tətili və ya mövsümlə əlaqədar həftəsonları istirahət etmək üçün paytaxtdan respublikamızın digər şəhər və rayonlarına üz tutanların sayında artım müşahidə olunur. Təəssüf ki, yollarda ani diqqətsizlik əksər hallarda ağır faciələrlə nəticələnən qəzalara səbəb ola bilir. Ona görə də risklərdən sığortalanmaq, bədbəxt hadisələrin qarşısını almaq üçün sizi aşağıdakı təhlükəsizlik qaydalarına əməl etməyə səsləyirik. Unutmayın, hər zaman iki seçim var: Ya yol hərəkəti qaydalarına əməl etməklə sağ-salamat mənzil başına çatırsınız, ya da qaydalara biganə yanaşmaqla son mənzilə yaxınlaşırsınız. Unutmayaq ki, qəzalar təsadüfi yox, sürücü səhlənkarlığı və məsuliyyətsizliyi nəticəsində baş verir. Özünüzün və sevdiklərinizin mənzil başına sağ-salamat çatması üçün sükan sizin əlinizdədir. Yol hərəkəti və təhlükəsizlik qaydalarına əməl et, həyatını təhlükəyə atma!”-deyə DİN-in müraciətində qeyd olunub.