Avropa İttifaqının (Aİ) 1-2 oktyabr tarixlərində keçiriləcək zirvə görüşündə Dağlıq Qarabağdakı hadisələrə üçüncü ölkələrin müdaxilə etməməsi üçün çağırış səsləndiriləcək.

"Oxu24.com” TASS-a istinadən xəbər verir ki, bu barədə Aİ-nin yüksək rütbəli nümayəndəsi təşkilatın qərargahında jurnalistlərin sualına cavab verərkən bildirib.

Həmçinin Dağlıq Qarabağ münaqişəsinin tərəflərinə döyüş əməliyyatlarını dərhal dayandırmaq çağırışı da ünvanlanacağını qeyd edən həmin şəxsin dediyinə görə, görüş ərəfəsində Aİ Şurasının sədri Şarl Mişel Azərbaycan və Ermənistan liderləri ilə telefon danışıqları aparır.