Amerikanın “Lockheed Martin” şirkəti havadan gələn təhdidləri dəf etmək üçün lazer silahlarının yaradılması üzərində işləyir.

Oxu24.com xəbər verir ki, bu barədə Avropanın Politico nəşri şirkətin baş vitse-prezidenti Maykl Uilyamsona istinadən məlumat yayıb.

Onun sözlərinə görə, şirkət gələcəkdə havadan gələn təhlükələri dəf etmək üçün lazer şüasını 100 km-dən çox proyeksiya etməyə imkan verəcək silahlar hazırlayır. “Biz  bu silahı hələ yaratmamışıq, lakin biz indi onun üzərində işləyirik”, deyə  Williamson bildirib.

O izah edib ki, lazerlərə silahlı qüvvələrdə tələbat getdikcə artır, çünki bahalı hava hücumundan müdafiə aket sistemlərinin qiyməti raketlərin qiymətindən xeyli aşağı olan dronları məhv etmək üçün istifadə etmək sərfəli deyil. "Hədəfin dəyərinin onu məhv edən vasitələrin dəyərinə nisbəti indi sonuncunun xeyrinə deyil",deyə o bildirib.

İyulun 22-də Böyük Britaniya Müdafiə Nazirliyi Wolfhound zirehli döyüş maşınına əsaslanan lazer silah nümayiş etdiricisinin ilk sınaqlarını elan etdi. İdarədən verilən məlumata görə, Porton Daun poliqonunda keçirilən sınaqlar çərçivəsində lazer silahları ilə 1 km-dən artıq məsafədəki hədəflər zərərsizləşdirilib. Amerikanın “Raytheon” şirkətinin Britaniya bölməsinin tərtibatçılarının fikrincə, bu silah ilk növbədə pilotsuz uçuş aparatları ilə mübarizədə kömək edəcək.

Miri