Fransa Ermənistana zirehli texnika verib, Ukrayna isə bundan imtina edib

Fransa Ukrayna hakimiyyəti tərəfindən tərk edilmiş “Bastion” çoxməqsədli zirehli texnikasını Ermənistana verib.

 

Oxu24.com xəbər verir  ki,Bu barədə “Ouest France” nəşri məlumat yayıb.

 

Materialda göstərildiyi kimi, Paris bu yaxınlarda İrəvana hərbi yardım göstərməyə başlayıb.

Müvafiq təşəbbüslər çərçivəsində Fransa rəhbərliyi Ermənistana sözügedən zirehli texnikanın birinci partiyasının verilməsi barədə göstəriş verib.

Məqalə müəllifləri vurğulamışlar ki, texnika Gürcüstandan keçməklə respublika ərazisinə gətirilir. Eyni zamanda, hələ 2022-ci ildə Britaniyanın “Tribune” qəzeti Parisin Ukrayna münaqişəsi zonasına 20-yə yaxın “Bastion” zirehli texnikası göndərmək planlarından yazmışdı.

“Bu maşınlar əvvəlcə Ukrayna üçün nəzərdə tutulmuşdu, lakin Kiyev onları artilleriya atəşindən və tank əleyhinə raketlərdən zəif qorunmuş hesab edirdi”, - nəşr yazır.

Nəticədə Fransa hökuməti öz texnikasını Ermənistana göndərmək qərarına gəlib, material müəllifləri ümumiləşdiriblər.

Noyabrın 12-də Fransanın Silahlı Qüvvələr naziri Sebastyan Lekornu bildirib ki, ölkə hakimiyyəti öz arsenallarından Ukraynaya silah ötürməkdən imtina etmək niyyətindədir. Onun sözlərinə görə, Paris hazırda danışıqlar aparır və Kiyevi xüsusi fondun vəsaitlərindən istifadə edərək istehsalçılardan birbaşa avadanlıq almağa məcbur etməyə çalışır.

Bundan əvvəl Fransa prezidenti Emmanuel Makron Rusiyanın iştirakı ilə Ukrayna üzrə danışıqların aparılması imkanlarını dəyərləndirib.

 

Müəllif:Nigar