Quterreş Fələstin rəhbərliyini Qəzzaya nəzarəti qəbul etməyə çağırıb

Birləşmiş Millətlər Təşkilatının (BMT) baş katibi Antonio Quterres noyabrın 12-də Qəzza zolağının Fələstin Milli Administrasiyası tərəfindən idarə edilməli olduğunu bildirib.

 

Oxu24.com xəbər  verir  ki,"Ən yaxşı halda, Fələstin Muxtariyyəti Qəzzada da liderliyi öz üzərinə götürəcək və bundan sonra İsrail ciddi danışıqlara razı olacaq", - BMT-nin baş katibi bildirib.

 

Quterreş həmçinin İran hakimiyyətini Fələstinin HƏMAS hərəkatının girovlarını azad etməyə, eləcə də Livan Hizbullah hərəkatının Yaxın Şərqdəki münaqişəyə müdaxiləsinə mane olmağa çağırıb.

 

"Mən İranla danışdım və iki şey istədim. Birincisi, girovları dərhal və qeyd-şərtsiz azad etmək üçün Həmas-a təzyiq etmək, ikincisi, Hizbullaha bildirmək lazımdır ki, bu münaqişə Livanı tamamilə alt-üst edəcək bir vəziyyət yaratmasın". CNN-ə müsahibəsində bildirib.

 

BMT-nin baş katibi münaqişənin İordan çayının qərb sahilinə və Livana sıçraması təhlükəsindən narahat olduğunu etiraf edib. O, Hizbullahın İsrailə genişmiqyaslı hücumunun ölkəyə ciddi ziyan vuracağını bildirib.

Lakin Quterreş tələblərinə necə cavab verildiyini deyə bilməyib. Onun sözlərinə görə, Tehran bunun münaqişə ilə heç bir əlaqəsi olmadığını bildirib.

Bundan əlavə, o, oktyabrın 7-dən indiyədək münaqişə zonasında BMT-nin 101 əməkdaşının həlak olduğunu bəyan edib.

Hizbullah lideri Şeyx Həsən Nəsrullah noyabrın 11-də bildirib ki, təşkilat və müttəfiqləri Amerika rəhbərliyini atəşkəs elan etməyə məcbur etmək üçün İraq, Yəmən və Suriyada köməkçi cəbhələr açıblar.

Bununla bağlı İsrailin baş naziri Benyamin Netanyahu vurğulayıb ki, ölkə ordusu bir neçə cəbhədə münaqişəyə hazırdır və hücum onların “həyatlarının səhvi” ola bilər.

 

Müəllif:Nigar