Fələstin prezidenti İsraillə münaqişə ilə bağlı ABŞ-a müraciət edib

Fələstin prezidenti Mahmud Abbas Ər-Riyadda keçirilən sammitdə çıxışı zamanı ABŞ-ı İsrailin Fələstin ərazilərindəki işğalına son qoymaq üçün səy göstərməyə çağırıb.

 

Oxu24.com xəbər  verir  ki,bu barədə RİA Novosti məlumat yayıb.

 

Fələstin dövlətinin başçısı BMT Təhlükəsizlik Şurasını beynəlxalq sülh konfransı təşkil etməyə və Fələstin xalqının beynəlxalq müdafiəsini təmin etməyə çağırıb.

Abbasın əlavə etdiyi kimi, BMT Təhlükəsizlik Şurası da “Fələstinlilərin Qəzza zolağında məcburi köçkünlüyünün” qarşısını almalıdır.

"Biz ABŞ-ı İsrail işğalına son qoymaq üçün işləməyə çağırırıq", - Fələstin prezidenti əlavə edib.

Bundan əvvəl Fələstin prezidenti Abbas siyasi həllin bir hissəsi olaraq Qəzzaya nəzarəti ələ alacağına söz vermişdi. Onun sözlərinə görə, bu region Şərqi Qüds kimi ölkənin bir hissəsi olmalıdır.

HƏMAS daha əvvəl bildirib ki, “şərait imkan verdikdə” əcnəbi girovları azad edəcək.

 

Müəllif:Afət