ABŞ noyabrın 15-dən 17-dək San-Fransiskoda keçiriləcək Asiya-Sakit Okean İqtisadi Əməkdaşlıq Təşkilatının (APEC) sammitində iştirak etmək üçün bütün Rusiya nümayəndələrinə viza verməyib.

Oxu24.com xəbər verir  ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova brifinq zamanı bildirib.

“Sammitə cəmi bir həftədən az vaxt qalıb. Və hələ də bütün Rusiya nümayəndələrinə Amerika vizası verilməyib”, - diplomat brifinqdə bildirib.

Noyabrın 8-də Rusiya prezidentinin mətbuat katibi Dmitri Peskov bildirib ki, sammitdə Rusiya nümayəndələri iştirak edəcək və ölkə lazımi səviyyədə təmsil olunacaq.

Bundan əvvəl ABŞ-ın foruma (APEC) sədrliyinə nəzarət edən Dövlət Departamentinin nümayəndəsi Mett Murray bildirib ki, Vaşinqton Ukraynadakı münaqişə ilə bağlı fikir ayrılıqlarına görə APEC-in noyabrda San-Fransiskoda keçirilən sammitinin yekun bəyannamələrinin qəbul edilməsinə icazə verir. 

O vurğulayıb ki, bir çox APEC iqtisadiyyatları Ukrayna münaqişəsinin region üçün nəticələrindən narahatdır.

Müəllif: Nigar