Pentaqon Ukraynaya 11,8 milyard dollar verməyə çağırıb

ABŞ-ın bir sıra departamentlərinin rəhbərləri, o cümlədən müdafiə naziri Lloyd Ostin, dövlət katibi Entoni Blinken və maliyyə naziri Canet Yellen ABŞ Konqresini Ağ Evin Kiyevə 11,8 milyard dollar ayırmaq tələbini təsdiqləməyə çağırıb.

 

Oxu24.com xəbər verir ki, bu barədə ABŞ Maliyyə Nazirliyinin saytında bildirilir.

 

“Bu gün maliyyə naziri Janet Yellen, müdafiə naziri Lloyd Ostin, dövlət katibi Antoni Blinken və USAİD-in administratoru Samanta Pauer Konqresə məktub göndərərək, Konqresi Bayden Administrasiyasının Ukraynaya birbaşa büdcə dəstəyi üçün 11,8 milyard dollar tələbini təsdiqləməyə çağırıb”, - deyə departamentdən bildirilib. 

 

Qeyd olunur ki, Kiyevə yeni dəstək paketi “qlobal çağırışlar dövründə ABŞ-ın milli təhlükəsizlik maraqlarını” təmin edəcək hərbi, iqtisadi və humanitar yardımlardan ibarət olacaq.

 

Məktubda həmçinin bildirilir ki, Ukraynanın maliyyələşdirilməsi şəffaf prosedurdur və “görünməmiş səviyyədə” ciddi nəzarətə tabedir.

Bundan əvvəl ABŞ Konqres ayırmaları kəsdiyi üçün Ukraynaya hərbi dəstəyi azaltmalı idi.

 

Müəllif:Nigar