Portuqaliyanın baş naziri istefa verib

Oxu24.com SIC portalına istinadən  xəbər verir ki, Portuqaliyanın Baş naziri Antonio Kosta Portuqaliya Prezidentinin rəsmi iqamətgahı olan Belem Sarayına gedib.

Telekanalın məlumatına görə, o, dövlət başçısı Marsel Rebel de Souzaya istefa ərizəsi göndərmək niyyətindədir.

SIC-nin qeyd etdiyi kimi, Kosta evində axtarışlar və korrupsiya iddiası ilə bağlı aparılan istintaqın bir hissəsi olaraq həmkarlarının həbsi fonunda vəzifəsindən istefa vermək qərarına gəlib.

Telekanal əlavə edir ki, baş nazir qərarını prezidentlə görüşdən sonra rəsmən açıqlayacaq.

“Baş nazir Ali Məhkəmədə açılan istintaq çərçivəsində prokurorluq tərəfindən aparılan müstəqil araşdırmanın mövzusudur”, - deyə məlumatda bildirilir.

Müstəntiqlərin diqqəti Portuqaliyanın şimalında litium kəşfiyyatına və Sinesdə yaşıl hidrogen meqalayihəsinə cəlb edilib. İstintaq çərçivəsində, xüsusən də Kosta administrasiyasının rəhbəri Vitor Eskaria, baş nazir Laserda Maçadonun məsləhətçisi və Sines şəhərinin meri Nuno Maskarenhas dindirilib.

Bundan əvvəl Portuqaliya polisi baş nazirin iqamətgahına basqın edib.

 

Müəllif: Nigar