Fransa X şəbəkəsində   zorakı yazıları ən çox blokladığı Avropa ölkəsi oldu

İlon Maska məxsus sosial media platforması X tərəfindən dərc edilən son hesabat, Fransanın 28 avqust və 20 oktyabr tarixləri arasında platformada qanunsuz və zorakılıq məzmunlu yazıların ən çox bloklandığı Avropa ölkəsi olduğunu göstərdi.

 

Oxu24.com xəbər verir  ki,Avropa İttifaqı (Aİ) Komissiyasının Rəqəmsal Xidmətlər Qanunu (DSA) çərçivəsində məlumat tələbindən sonra X platformadakı məzmuna nəzarətlə bağlı şəffaflıq hesabatını dərc edib.

 

28 avqust və 20 oktyabr tarixlərini əhatə edən hesabata görə, platforma əsasən Fransadakı internet istifadəçiləri üçün şiddət və nifrət nitqinə qarşı silmə və dayandırma kimi nəzarət mexanizmlərini işlətdi.

 

Bu tarixlər arasında Almaniyada 7 min 160, İspaniyada 7 min 743 yazı silindiyi halda, Fransada bu rəqəm 16 min 288 olaraq qeydə alınıb.

 

Platforma Fransada qadağan olunmuş məzmunun qarşısını almaq üçün 52 moderatordan ibarət komanda ilə işlədiklərini bildirdi.

AB, İsrailin Qəzzaya hücumlarından sonra sosial mediada dezinformasiya, qeyri-qanuni və zərərli məzmuna görə X sosial media platforması Meta və TikTok-a qarşı Birliyin onlayn qaydalarına uyğunluqla bağlı araşdırma başlayıb.

 

Avqust ayında qüvvəyə minən DSA ilə AB sosial media platformalarına sərt qaydalar gətirdi.

 

Aİ qaydaları pozan rəqəmsal platformalar üçün qlobal dövriyyəsinin 6 faizinə qədər cərimə tətbiq edə bilər. Təkrar pozuntular halında, bu rəqəmsal platformaların Aİ-dəki fəaliyyətinə xitam verilə bilər.

 

Müəllif: Nigar