Putin Qazaxıstana gedir

Rusiya prezidenti Vladimir Putin noyabrın 9-da Qazaxıstana səfər edəcək.

 

Oxu24.com xəbər verir  ki,bu barədə respublika prezidenti Qasım-Jomart Tokayevin mətbuat xidməti məlumat yayıb.

 

“2023-cü il noyabrın 9-da dövlət başçısı Qasım-Jomart Tokayevin dəvəti ilə Rusiya Federasiyasının Prezidenti Vladimir Putin Astanaya rəsmi səfər edəcək”, - məlumatda deyilir.

 

Rusiya prezidentinin səfəri çərçivəsində Qazaxıstan və Rusiya liderləri arasında danışıqların aparılması planlaşdırılır, danışıqlar zamanı Qazaxıstan-Rusiya strateji tərəfdaşlığının cari məsələləri müzakirə olunacaq.

 

Putin və Tokayev videokonfrans vasitəsilə Kostanayda keçiriləcək Qazaxıstan və Rusiya arasında 19-cu Regionlararası Əməkdaşlıq Forumunda da iştirak edəcəklər.

 

Bir gün əvvəl bildirilmişdi ki, bu həftə Putin Qazaxıstana səfərlə yanaşı, Rusiya hökumətinin üzvləri və Təhlükəsizlik Şurasının üzvləri ilə cari məsələlərin müzakirəsi də daxil olmaqla bir sıra işgüzar görüşlər keçirmək niyyətindədir.

 

Bundan əvvəl Tokayev Qazaxıstanın Rusiya Federasiyası ilə hərtərəfli əməkdaşlığı inkişaf etdirmək niyyətində olduğunu bildirmişdi.

 

Müəllif:Miri