Fransa Rusiyaya qarşı 12-ci sanksiyalar paketini tənqid edib

Fransanın Vətənpərvərlər Partiyasının lideri Florian Filippot Avropa Komissiyasının (AK) Rusiyaya qarşı elan etdiyi 12-ci sanksiyalar paketini tənqid edib.

 

Oxu24.com xəbər verir  ki,bu barədə o, Twitter-də yazıb.

 

Onun sözlərinə görə, AK rəhbəri Ursula fon der Leyen Ukrayna prezidenti Vladimir Zelenskini razı salmaq üçün yeni məhdudiyyətlər elan edib.

 

Bundan əvvəl fon der Leyen bildirmişdi ki, AK yaxın vaxtlarda Aİ-nin Rusiyaya qarşı 12-ci sanksiyalar paketini malların idxalı və ixracına qadağalar və neftin qiymətinin tavanının sərtləşdirilməsi ilə təqdim edəcək.

 

Daha  əvvəl Bloomberg xəbər vermişdi ki, Avropa İttifaqı Rusiya Federasiyasına qarşı 12-ci məhdudlaşdırıcı tədbirlər paketini hazırlayır ki, bu da Rusiya Federasiyasından 2,5 milyard avroluq idxala və eyni həcmdə təxminən 5,3 milyard dollarlıq ixraca yönəlib.

Nəşrin mənbələri bildirib  ki, Aİ üçüncü ölkələr vasitəsilə sanksiyalardan yayınma və Kremli gəlirdən məhrum etmə imkanlarını bağlamaq niyyətindədir.

Yeni sanksiyalar Rusiyanın qaynaq avadanlıqları, kimyəvi maddələr və yüksək texnologiyalı hərbi malların ixracına təsir göstərəcək.

Həmçinin metalların, tikinti materiallarının, nəqliyyat vasitələrinin və almazların idxalının məhdudlaşdırılması nəzərdə tutulur.

Rusiya Federasiyası xarici işlər nazirinin müavini Aleksandr Qruşko daha əvvəl bildirmişdi ki, sanksiyalar və Rusiya ilə iqtisadi əlaqələrin kəsilməsi artıq Avropa İttifaqına (Aİ) təxminən 1,5 trilyon dollara başa gəlib. Diplomatın sözlərinə görə, 2013-cü ildə Aİ-nin Rusiya ilə ticarət dövriyyəsi 417 milyard dollar təşkil edib və bu il sanksiyaların olmadığı təqdirdə 700 milyard dollara çata bilər.

Bundan əvvəl ABŞ Maliyyə Nazirliyi Rusiyaya qarşı sanksiyaları genişləndirib.

 

Müəllif:Afət