Putin SSRİ-nin Yaxın Şərq paradiqmasını izləyir  - THE GUARDIAN

Qəzzada vəziyyət pisləşdikcə, Rusiya beynəlxalq siyasətdə Sovet İttifaqı dövrünü xatırladan öz təsirini bərpa etməyə çalışır.

 

Oxu24.com xəbər verir  ki,bu barədə Britaniyanın “The Guardian” qəzetinin məqaləsində deyilir.

 

Oktyabrın 26-da İran xarici işlər nazirinin müavininin iştirakı ilə HƏMAS nümayəndələrinin Moskvaya səfəri HƏMAS, Rusiya və İran arasında mümkün koordinasiyalı mövqeyi vurğulayır ki, bu da İsraildə narahatlıq yaratmaya bilməz.

 

Soyuq Müharibə illərində Rusiyanın Yaxın Şərqdəki tarixi mövcudluğu Qərb müttəfiqlərinə qarşı ərəb dövlətlərinə dəstəyi ilə yadda qaldı.

 

Bununla belə, Soyuq Müharibədən sonra Suriya münaqişəsi Putinə Rusiyanın regionda mövcudluğunu gücləndirmək üçün yeni şanslar verənə qədər, xüsusən də Bəşər Əsəd hökumətinə dəstək verənə qədər Rusiyanın təsiri azaldı.

 

Rusiya hazırda diplomatik təşəbbüslərə diqqət yetirir və Fələstinin maraqlarını qoruyur, eyni zamanda birbaşa hərbi müdaxilədən çəkinir. Putinin bu manevrləri həm də diqqəti Ukrayna böhranından yayındırmaq və İsrailin Qəzzadakı hərəkətlərinə diqqəti yönəltmək məqsədi daşıya bilər.

 

Yaxın Şərqdə münaqişənin mümkün gərginləşməsi neftin qiymətinin artması şəklində dolayı yolla Rusiyaya fayda verə bilər, lakin tam nəticələr hələ aydın deyil.

Britaniya qəzeti yazır ki, vəziyyətə təsir etmək cəhdlərinə baxmayaraq, Rusiyanın indiki təsiri keçmiş fövqəldövlət statusu ilə müqayisə oluna bilməz.

 

Müəllif:Nigar